વેલ્યુ કે ગ્રોથઃ કયા પ્રકારનાં શૅર્સમાં ટ્રેડર્સને વધુ ફાયદો થશે?

તમે જે ચૂકવણી કરો છો તે પ્રાઈસ છે અને સામે જે મેળવો છે તે વેલ્યુ (મૂલ્ય) છે, એમ અગ્રણી રોકાણકાર વોરેન બફેટનું કહેવુ છે. વોરન બફેટ હંમેશા વેલ્યુ ઈનવેસ્ટિંગને પ્રાધાન્ય આપે છે. પરિણામે જ શૅરબજારમાં વોરન બફેટને ‘વેલ્યુ ઈનવેસ્ટર’ તરીકે ઓળખાય છે. વર્ષો સુધી વેલ્યુ ઈનવેસ્ટિંગનાં માધ્યમે સારા પ્રમાણમાં સંપત્તિનું સર્જન થઈ શકે છે. જે શૅર્સ અંડરવેલ્યુ હોય તેમાં રોકાણ કરીને ભવિષ્યમાં સારી કમાણી કરી શકાય છે.

પરંતુ વેલ્યુ ફંડ્સની ઓળખ કરવી સરળ નથી. જ્યારે શૅરબજારમાં કડાકો આવે ત્યારે જ વેલ્યુ ફંડ્સની ક્ષમતા દેખાય છે. તેજીના બજારમાં મોટા ભાગનાં ક્ષેત્રોમાં વૃદ્ધિ થતી હોવાથી આવા માહોલમાં વેલ્યુ ફંડ્સને શોધવા મુશ્કેલ છે. લાંબા ગાળાની દૃષ્ટિએ વેલ્યુ ઈનવેસ્ટિંગ ફાયદાકારક છે. પાંચ વર્ષથી અધિક સમય સુધી રોકાણ કરવામાં આવે તો ટ્રેડર્સને ફાયદો થઈ શકે છે.

જોકે, વેલ્યુ ઈનવેસ્ટર તરીકે વોરેન બફેટ ગણાતા હોય તો પીટર લીન્ચ એ ગ્રોથ ઈનવેસ્ટર ગણાય છે. જ્યારે પણ કોઈ કંપનીમાં રોકાણ કરવામાં આવે તો તે પાછળનો હેતુ એ હોય છે કે સંબંધિત કંપનીના માર્કેટ કેપિટલાઈઝેશનમાં વૃદ્ધિ થાય. આમાં ખરીદદાર જ્યા સુધી ઉંચી કિંમત ન આપે ત્યા સુધી વૃદ્ધિ શક્ય નથી. તેથી આમાં રોકાણનું મૂલ્ય વધુ છે. આમ પીટર લીન્ચનો આ સિદ્ધાંત વેલ્યુ ઈનવેસ્ટિંગ કરતા વિપરિત છે. ઘણા લોકોનું માનવું છે કે ગ્રોથ રોકાણકારો એવા શૅર્સમાં રોકાણ કરે છે જેનો શૅર ભાવ તેની અર્નિગ્સનાં અનેક ગણા ઉંચા ભાવે ટ્રેડ થતો હોય. પરંતુ આ વાત ખરી નથી.

ઘટાડાના બજારમાં યોગ્ય મૂલ્યાંકન હોય એવી કંપનીઓમાં રોકાણ કરવુ જોઈએ