ફ્રેન્કલિન મ્યુચ્યુઅલ ફંડનો કમાલ, દર મહિને 10,000 રૂપિયાના SIP થી 15 વર્ષમાં બનાવ્યા 81 લાખ રૂપિયા

Franklin India Small Cap Fund: મ્યુચ્યુઅલ ફંડમાં સિસ્ટેમેટિક ઇન્વેસ્ટમેન્ટ પ્લાન એટલે કે SIP દ્વારા કરવામાં આવતું રોકાણ લાંબા ગાળે જંગી વળતર આપી શકે છે. બજારમાં એવી ઘણી સ્કીમ છે જેણે રોકાણકારોને માલામાલ કરીને કરોડપતિ બનાવ્યા છે. આજે આપણે ફ્રેન્કલિન ટેમ્પલટન ઈન્ડિયા મ્યુચ્યુઅલ ફંડની એક એવી જ શાનદાર સ્મોલકેપ સ્કીમ વિશે વાત કરીશું, જેણે પોતાના રોકાણકારોને અદભુત રિટર્ન આપ્યું છે. આ ફંડનું નામ છે 'ફ્રેન્કલિન ઈન્ડિયા સ્મોલકેપ ફંડ' .

15 વર્ષમાં 10,000 ના SIP થી બન્યા 81 લાખ

જો તમે 15 વર્ષ પહેલાં આ ફ્રેન્કલિન ઈન્ડિયા સ્મોલકેપ ફંડમાં દર મહિને 10,000 રૂપિયાની SIP શરૂ કરી હોત, તો આજે તે રકમ વધીને અંદાજે 81 લાખ રૂપિયા થઈ ગઈ હોત. આ લાંબા ગાળાના રોકાણની સાચી તાકાત છે. કંપનીના ગણતરી મુજબ, જો કોઈ વ્યક્તિએ જાન્યુઆરી 2006 માં આ ફંડ શરૂ થયું ત્યારે તેમાં એકસાથે 10,000 રૂપિયા રોક્યા હોત, તો આજે તે રકમ 1.79 લાખ રૂપિયા થઈ ગઈ હોત.

ફંડની બેઝિક માહિતી અને પ્રદર્શન

શરૂઆત અને AUM: આ ફંડ જાન્યુઆરી 2006 માં લોન્ચ કરવામાં આવ્યું હતું. હાલમાં આ ફંડનું એસેટ અંડર મેનેજમેન્ટ 14,000 કરોડ રૂપિયા કરતાં પણ વધારે છે.

રિટર્ન : આ સ્કીમે શરૂઆતથી જ તેના બેન્ચમાર્ક 'નિફ્ટી સ્મોલકેપ 250 ઈન્ડેક્સ' કરતાં સારું પ્રદર્શન કર્યું છે. 15 વર્ષના લાંબા ગાળામાં આ ફંડનું રિટર્ન 19.03 ટકા રહ્યું છે, જ્યારે તેના બેન્ચમાર્કનું રિટર્ન 15.75 ટકા હતું.

જોકે, 3 વર્ષ અને 10 વર્ષના ટૂંકા ગાળામાં તેનું રિટર્ન બેન્ચમાર્ક કરતા થોડું ઓછું રહ્યું છે. 3 વર્ષમાં બેન્ચમાર્કે 16.15 ટકા રિટર્ન આપ્યું, જ્યારે આ ફંડે 12.82 ટકા રિટર્ન આપ્યું છે.