મલ્ટી-કેપ અથવા ફ્લેક્સી-કેપ મ્યુચ્યુઅલ ફંડ્સ, જાણો અત્યારે ક્યાં રોકાણ કરવું?

જો મ્યુચ્યુઅલ ફંડમાં રોકાણ પર રિટર્ન વધારે હોય તો જોખમ પણ હંમેશા ઊંચું હોય છે. હાલમાં મ્યુચ્યુઅલ ફંડમાં મળતા ઊંચા રિટર્નથી રોકાણકારો ઉત્સાહિત છે. તેઓ ઘણા પૈસાનું રોકાણ કરી રહ્યા છે. બીજી તરફ ભારતીય બજારનું વેલ્યુએશન સતત વધી રહ્યું છે. તેનાથી જોખમ વધી રહ્યું છે. બજારના નિષ્ણાતો કહે છે કે વર્તમાન બજારમાં જોખમ ઘણું વધારે છે. આને ઘટાડવાનો શ્રેષ્ઠ માર્ગ તમારા પોર્ટફોલિયોમાં ડાઇવર્સિફિકેશન કરવાનો છે. હવે પ્રશ્ન એ ઊભો થાય છે કે ડાઇવર્સિફિકેશન માટે, મલ્ટિ-કેપ અને ફ્લેક્સી-કેપ ફંડ્સમાં રોકાણ કરવું યોગ્ય રહેશે?

મલ્ટી-કેપ અને ફ્લેક્સી-કેપ ફંડ બંને લાર્જ-કેપ, મિડ-કેપ અને સ્મોલ-કેપ શેરોમાં રોકાણ કરે છે. ફ્લેક્સી-કેપ ફંડ્સે જાન્યુઆરી 2021માં રુપિયા 72,248 કરોડની લિક્વિડિટી મેળવી છે. જ્યારે મલ્ટી-કેપ ફંડોએ સમાન સમયગાળા દરમિયાન રુપિયા 88,856 કરોડની ચોખ્ખી લિક્વિડિટી મેળવી છે. ઓગસ્ટના અંતે કેપિટલ માર્કેટમાં 39 ફ્લેક્સી-કેપ ફંડ્સ હતા, જેમાં કુલ એસેટ અંડર મેનેજમેન્ટ (AUM) રુપિયા 4.29 લાખ કરોડ હતી. તે જ સમયે, 26 મલ્ટિ-કેપ ફંડ્સ છે, જેની AUM રુપિયા 1.73 લાખ કરોડ હતી.

કોણે વધુ સારું પ્રદર્શન કર્યું?

મલ્ટિ-કેપ ફંડે એક વર્ષ અને ત્રણ વર્ષના ધોરણે અનુક્રમે 43.88% અને 21.45%નું સરેરાશ રિટર્ન આપ્યું છે. આ સરળતાથી ફ્લેક્સી-કેપ કેટેગરીના પ્રદર્શનને હરાવી દે છે, જેણે સમાન સમયગાળા દરમિયાન અનુક્રમે 39.81% અને 18.04% નું સરેરાશ રિટર્ન આપ્યું છે. મલ્ટિ-કેપ ફંડ્સે ફ્લેક્સી-કેપ ફંડ્સ કરતાં વધુ સારું પ્રદર્શન કર્યું છે. સેબીના નિયમો મુજબ, મલ્ટિ-કેપ ફંડ્સે સ્મોલ-કેપ શેરોમાં ઓછામાં ઓછા 50 ટકા રોકાણ કરવું પડશે.