ગુજરાત કોંગ્રેસમાં મોટો ફેરફાર: અમિત ચાવડા ફરી પ્રમુખ, તુષાર ચૌધરીને નવી જવાબદારી

Gujarat Congress: ગુજરાત કોંગ્રેસમાં લાંબા સમયથી ચાલતી નેતૃત્વની અનિશ્ચિતતા હવે ખતમ થઈ છે. પાર્ટી હાઈકમાન્ડે ગુજરાત પ્રદેશ કોંગ્રેસ સમિતિ (GPCC)ના પ્રમુખ તરીકે અમિત ચાવડાની ફરી નિમણૂક કરી છે. સાથે જ વિધાનસભામાં કોંગ્રેસ લેજિસ્લેટિવ પાર્ટી (CLP)ના લીડર તરીકે ખેડબ્રહ્માના ધારાસભ્ય અને આદિવાસી નેતા ડૉ. તુષાર ચૌધરીને જવાબદારી સોંપવામાં આવી છે.

અમિત ચાવડાની બીજી ઇનિંગ્સ

અમિત ચાવડા જેઓ 2018થી 2021 દરમિયાન GPCC પ્રમુખ રહી ચૂક્યા છે, તેમનો અનુભવ પાર્ટીને ગુજરાતના રાજકીય પડકારોનો સામનો કરવામાં મદદ કરશે. આંણદના અંકલાવ બેઠકના પાંચ વખતના MLA, ચાવડા તેમના શાંત નેતૃત્વ અને ગ્રાસરૂટ કનેક્શન માટે જાણીતા છે. તેમની નિમણૂકથી કોંગ્રેસ 2027ની વિધાનસભા ચૂંટણી પહેલાં પોતાનું સંગઠન મજબૂત કરવા માંગે છે.

તુષાર ચૌધરીની નવી ભૂમિકા

ડૉ. તુષાર ચૌધરી ખેડબ્રહ્માના ધારાસભ્ય અને પૂર્વ કેન્દ્રીય મંત્રી, આદિવાસી સમાજનો મજબૂત ચહેરો છે. વિધાનસભામાં CLP લીડર તરીકે તેમની નિમણૂકથી કોંગ્રેસનો અવાજ વધુ તાકાત મેળવશે. આદિવાસી મુદ્દાઓને હવે વિધાનસભામાં વધુ મહત્વ મળશે તેવી આશા છે.

નેતૃત્વમાં ફેરફારનું કારણ