એલોન મસ્કનો રાજકીય ધડાકો: ‘અમેરિકા પાર્ટી’ની રચના, શું ટ્રમ્પ સાથે વધશે વિવાદ?

Trump vs Musk: ટેસ્લા અને સ્પેસએક્સના CEO એલોન મસ્કે અમેરિકન રાજકારણમાં મોટો ધડાકો કર્યો છે. તેમણે નવી રાજકીય પાર્ટી ‘અમેરિકા પાર્ટી’ની રચનાની જાહેરાત કરી છે. આ જાહેરાત અમેરિકાના સ્વતંત્રતા દિવસ (4 જુલાઈ, 2025)ના રોજ કરવામાં આવી હતી. મસ્કનો દાવો છે કે આ પાર્ટી અમેરિકન નાગરિકોને તેમની ‘આઝાદી’ પાછી આપવા માટે કામ કરશે. આ પગલું એલોન મસ્ક અને રાષ્ટ્રપતિ ડોનાલ્ડ ટ્રમ્પ વચ્ચેના ચાલી રહેલા વિવાદના કારએક નવો વળાંક લાવી શકે છે.

X પર પોલથી શરૂ થયો સમગ્ર ડ્રામા

એલોન મસ્કે તેમના સોશિયલ મીડિયા પ્લેટફોર્મ X પર 4 જુલાઈએ એક પોલ શરૂ કર્યો હતો, જેમાં તેમણે પૂછ્યું હતું, “શું અમેરિકામાં નવી પોલિટિકલ પાર્ટીની જરૂર છે? શું ‘અમેરિકા પાર્ટી’ બનાવવી જોઈએ?” આ પોલમાં 12 લાખથી વધુ લોકોએ ભાગ લીધો હતો, જેમાં 65.4% લોકોએ ‘હા’ અને 34.6% લોકોએ ‘ના’ માટે વોટ આપ્યો. આ પરિણામોના આધારે મસ્કે 5 જુલાઈએ ‘અમેરિકા પાર્ટી’ની રચનાની જાહેરાત કરી. તેમણે કહ્યું, “બે ગણી બહુમતીથી તમે નવી પાર્ટી ઈચ્છો છો, અને તમને તે મળશે!”

ટ્રમ્પનું ‘બિગ એન્ડ બ્યુટીફુલ બિલ’ બન્યું વિવાદનું કેન્દ્ર

આ નવી પાર્ટીની જાહેરાતનું મુખ્ય કારણ ડોનાલ્ડ ટ્રમ્પનું નવું ‘ટેક્સ કટ એન્ડ સ્પેન્ડિંગ બિલ’ છે, જેને તેમણે ‘બિગ એન્ડ બ્યુટીફુલ બિલ’નું નામ આપ્યું છે. આ બિલ 4 જુલાઈએ કાયદો બની ગયું છે, જેનો મસ્કે શરૂઆતથી જ વિરોધ કર્યો હતો. મસ્કનું કહેવું છે કે આ બિલ અમેરિકાનું દેવું $3.3 ટ્રિલિયન સુધી વધારશે, જે દેશને નાદારી તરફ લઈ જશે. તેમણે આ બિલને ‘વિનાશક’ ગણાવ્યું અને કહ્યું કે તે લાખો નોકરીઓ ખતમ કરી શકે છે.

આ બિલના વિરોધમાં મસ્કે રિપબ્લિકન સાંસદોને ચેતવણી આપી હતી કે જે કોઈ આ બિલને સમર્થન આપશે, તેમને 2026ની મિડટર્મ ચૂંટણીમાં હરાવવા માટે તે પોતાનું સંપૂર્ણ જોર લગાવશે. તેમણે ખાસ કરીને રિપબ્લિકન સાંસદ થોમસ મેસીના રી-ઈલેક્શનને સમર્થન આપવાનું વચન આપ્યું, જેમણે આ બિલનો વિરોધ કર્યો હતો.

મસ્ક અને ટ્રમ્પની દોસ્તી થઈ ખતમ