Lok Sabha elections: જો કેન્દ્રમાં નવી સરકાર બનશે તો ઈવીએમ નદીમાં ફેંકી દેઇશું, ફારૂક અબ્દુલ્લાનું નિવેદન

Lok Sabha elections: નેશનલ કોન્ફરન્સ (NC)ના પ્રમુખ ફારુક અબ્દુલ્લાએ કહ્યું હતું કે જો ભાજપ લોકસભા ચૂંટણી હારી જશે તો નવી સરકાર ચૂંટણીમાં ઈલેક્ટ્રોનિક વોટિંગ મશીન (EVM)નો ઉપયોગ કરવાનું બંધ કરશે. અબ્દુલ્લાએ કહ્યું કે વિશ્વમાં બીજે ક્યાંય ઈવીએમનો ઉપયોગ થતો નથી, પરંતુ "અહીં તે આપણા પર લાદવામાં આવ્યો છે." જમ્મુ અને કાશ્મીરના ભૂતપૂર્વ મુખ્ય પ્રધાને કહ્યું, "'ઇન્શાઅલ્લાહ' જો દિલ્હીમાં નવી સરકાર આવશે, તો આ મશીનોને નદીમાં ફેંકી દેવામાં આવશે."

અહીં મધ્ય કાશ્મીર જિલ્લામાં એક જાહેર સભાને સંબોધતા અબ્દુલ્લાએ કહ્યું, “આ મશીનો ચોરીના મશીનો છે. જ્યારે તમે મતદાન કરો ત્યારે ખાતરી કરો કે અવા આવ્યો છે કે નહીં, લાઈટ ચાલુ થઈ છે કે નહીં. જો તમને લાઇટ ચાલુ થયેલી ન દેખાય તો ત્યાં હાજર અધિકારીઓને પૂછો, ડરશો નહીં. તમારો મત NC ચિહ્ન પર પડ્યો છે કે નહીં તે જોવા માટે VVPAT પણ તપાસો.

NC પ્રમુખ શ્રીનગર લોકસભા મતવિસ્તારમાંથી તેમની પાર્ટીના ઉમેદવાર આગા સૈયદ રૂહુલ્લા મેહદી માટે પ્રચાર કરી રહ્યા હતા. શ્રીનગર મતવિસ્તારના વર્તમાન સાંસદ અબ્દુલ્લા આ વખતે સ્વાસ્થ્યના કારણોસર ચૂંટણી લડી રહ્યા નથી. ભારતીય જનતા પાર્ટી (BJP) પર તેમનો હુમલો ચાલુ રાખતા, NC નેતાએ વડાપ્રધાન નરેન્દ્ર મોદી અને તેમની પાર્ટી પર દેશમાં નફરત ફેલાવવાનો આરોપ લગાવ્યો. તેમણે કહ્યું કે મોદી એ મુદ્દાઓને ભૂલી ગયા છે જેણે તેમને 2014માં ટોચના પદ સુધી પહોંચાડ્યા હતા. "તેઓ હવે મોંઘવારી વગેરે વિશે વાત કરતા નથી."

આ પણ વાંચો - Kedarnath temple: કેદારનાથ ધામના ખૂલ્યા કપાટ, બાબા ભોલેનાથ સમાધિમાંથી જાગ્યા, શૈવ લિંગાયત પદ્ધતિથી કરાય છે પૂજા