રાજકીય પાર્ટીઓને બ્લેક મનીનું ડોનેશન આપનારાઓના હવે ભોપાળા છૂટા પડશે! 2283 કરોડના કૌભાંડમાં CID અને ઈન્કમટેક્સની મેગા ડ્રાઈવ

Political Party Scam Gujarat: જો તમે પણ કોઈ રાજકીય પાર્ટીને ડોનેશન આપ્યું છે, તો આ સમાચાર તમારા માટે ખૂબ જ અગત્યના છે. ગુજરાતમાં રાજકીય પાર્ટીઓના નામે કાળા નાણાંને સફેદ કરવાના એક મહા કૌભાંડનો પર્દાફાશ થયો છે. અત્યાર સુધી માત્ર પાર્ટીના પ્રમુખો જ તપાસના રડારમાં હતા, પરંતુ હવે રાજકીય પક્ષોને બ્લેક મની ડોનેશન તરીકે આપનારા લોકો સામે પણ કડક કાર્યવાહીનો તખ્તો તૈયાર થઈ ગયો છે.

શું છે સમગ્ર 2283 કરોડનો મામલો?

તાજેતરમાં જ ઈન્કમટેક્સ વિભાગે એક મોટા કૌભાંડનો પર્દાફાશ કર્યો છે. ગાંધીનગર, અમદાવાદ અને વિદ્યાનગરના સરનામે રજિસ્ટર્ડ થયેલી 4 રાજકીય પાર્ટીઓએ રાજકીય કામો માટે નહીં, પરંતુ માત્ર કાળા નાણાંને સફેદ કરવા (Black to White) માટે જ મોટો ખેલ પાડ્યો હતો. આ કૌભાંડનો આંકડો 2283 કરોડ રૂપિયા સુધી પહોંચ્યો છે. ઈન્કમટેક્સે આ પાર્ટીઓના પ્રમુખો અને તેમના મળતિયાઓનો ભાંડો ફોડ્યો છે.

ડોનેશન આપનારા 80 હજાર લોકોનું લિસ્ટ તૈયાર

હવે આ કેસમાં પોલીસ અને CID ક્રાઈમની એન્ટ્રી થઈ છે. તપાસ એજન્સીઓ માત્ર પાર્ટીના સંચાલકો સુધી અટકવા માંગતી નથી, પરંતુ જે લોકોએ કરોડો રૂપિયાનું કાળું નાણું પક્ષોના ખાતામાં પધરાવ્યું છે તેમની પણ ઊલટતપાસ થશે. CID ક્રાઈમે ઈન્કમટેક્સ પાસેથી ડોનેશન આપનારા આશરે 80 હજારથી વધુ લોકોની યાદી મેળવી લીધી છે અને સઘન તપાસ શરૂ કરી દીધી છે.

આ તપાસની મુખ્ય હાઈલાઈટ્સ નીચે મુજબ છે:

મોટા માથાઓની સંડોવણી: આ ડોનેશન આપનારાઓના લિસ્ટમાં કોઈ સામાન્ય માણસો નથી, પરંતુ મોટા બિલ્ડરો, નામી રાજકારણીઓ અને મોટા વેપારીઓ સામેલ હોવાનું ખૂલ્યું છે.