Gujarat Republic Day tableau: દિલ્હીના કર્તવ્ય પથ પર દેખાશે ગુજરાતની ઝાંખી, દર્શાવાશે 12મી સદીથી 21મી સદી સુધીની વિકાસગાથા

Gujarat Republic Day tableau: દેશ 76મા પ્રજાસત્તાક દિવસની ઉજવણી માટે તૈયાર છે. દિલ્હીમાં યોજાનારી મુખ્ય પરેડમાં ગુજરાતની એક ઝાંખી પણ દર્શાવવામાં આવશે. દિલ્હીમાં કર્તવ્ય પથ પર 'ગુજરાત: આનર્તપુરથી એકતા નગર - વારસો તેમજ વિકાસ' થીમ પર આધારિત એક ઝાંખી રજૂ કરવામાં આવશે. ગુજરાતના ટેબ્લોમાં 12મી સદીના વડનગર એટલે કે આનર્તપુરના 'કીર્તિ તોરણ'થી લઈને 21મી સદીના 'સ્ટેચ્યુ ઓફ યુનિટી' સુધીના રાજ્યના સાંસ્કૃતિક વારસા તેમજ સંરક્ષણ, ટેકનોલોજી, ઓટોમોબાઈલ અને ઉત્પાદન ક્ષેત્રે રાજ્યની 'આત્મનિર્ભરતા' દર્શાવવામાં છે. પ્રદર્શનમાં વિવિધ વિકાસ પ્રોજેક્ટ્સ પ્રભાવશાળી રીતે રજૂ કરવામાં આવ્યા છે.

ગુજરાતની ઝાંખીમાં વિકાસની ગાથા જોવા મળશે

ગુજરાતના ઝાંખીના આગળના ભાગમાં, વડનગરમાં સ્થિત 12મી સદીના ગુજરાતના સાંસ્કૃતિક પ્રવેશદ્વાર 'કીર્તિ તોરણ' છે, જે સોલંકી સમયગાળા દરમિયાન બંધાયું હતું, અને અંતે, 21મી સદીનું ગૌરવ, 182 મીટર ઊંચી સરદાર પટેલની પ્રતિમા ‘સ્ટેચ્યુ ઓફ યુનિટી'. જે વિશ્વની સૌથી ઊંચી પ્રતિમા છે. આ બે વારસા વચ્ચે, ગુજરાતમાં વિવિધ ક્ષેત્રોમાં થયેલા જબરદસ્ત વિકાસની પ્રતિકૃતિઓ છે.

ટેબ્લોમાં આ પણ જોવા મળશે

ટેબ્લોના પાછળના ભાગમાં ભારતીય વાયુસેનાના C-295 એરક્રાફ્ટનું એક યુનિટ છે જે ટાટા એડવાન્સ્ડ સિસ્ટમ્સ લિમિટેડ દ્વારા વડોદરામાં બનાવવામાં આવી રહ્યું છે, જે સંરક્ષણ ટેકનોલોજી ક્ષેત્રમાં 'આત્મનિર્ભર ભારત'ના પ્રોજેક્ટ્સમાંનું એક છે, અમદાવાદ સાબરમતી રિવરફ્રન્ટ જેની નીચે બે કાંઠાઓને જોડતો 'અટલ બ્રિજ' છે, જેને એન્જિનિયરિંગનો અજાયબી કહેવામાં આવે છે. સેમિકન્ડક્ટર ચિપ્સ અને વિવિધ સંબંધિત ઉપકરણો ગુજરાતમાં સેમિકન્ડક્ટર ઉત્પાદન ક્ષેત્રની વિશાળ રોકાણ સાથેની સફળતા દર્શાવે છે, અને તેની નીચે, ગુજરાતનો ઓટો અને મશીનરી ઉદ્યોગ ઓટોમોબાઈલ-ઉત્પાદન કેન્દ્ર તરીકે ઉભરી રહ્યો છે.

ઝાંખીના છેલ્લા ભાગમાં 21મી સદીના ગૌરવ અને દેશના પ્રથમ નાયબ વડા પ્રધાન સરદાર વલ્લભભાઈ પટેલને શ્રદ્ધાંજલિ તરીકે દેશભરના ખેડૂતો પાસેથી એકત્રિત કરાયેલા લોખંડથી બનેલી સરદાર વલ્લભભાઈ પટેલની 182 મીટર ઊંચી પ્રતિમા દર્શાવવામાં આવશે.

આ પણ વાંચો - Pushpak Train Accident: એક અફવા અને 11 મુસાફરોના ગયા જીવ, મહારાષ્ટ્ર ટ્રેન અકસ્માત પાછળનું આવ્યું કારણ બહાર