Diwali 2026 Shubh Muhurat: ધનતેરસથી લઈને લાભ પાંચમ સુધીના શુભ મુહૂર્ત જાહેર, ફટાફટ નોંધી લો લક્ષ્મી પૂજન અને ચોપડા પૂજનનો શ્રેષ્ઠ સમય

* બપોરે: 1:50 થી 3:10 વાગ્યા સુધી

2. ધનતેરસના શુભ મુહૂર્ત (6 નવેમ્બર 2026)

શુક્રવાર, તારીખ 06/11/2026 ના રોજ આસો વદ 13 એટલે કે ધનતેરસનો પવિત્ર તહેવાર છે. આ દિવસે ભગવાન ધન્વંતરિનું પૂજન, સોના-ચાંદીની ખરીદી અને દીપદાન કરવા માટેના શુભ મુહૂર્તો નીચે પ્રમાણે છે:

* બપોરે: 12:25 થી 01:45 વાગ્યા સુધી

* સાંજે: 04:40 થી 05:55 વાગ્યા સુધી

* રાત્રે: 09:15 થી 10:45 વાગ્યા સુધી

3. કાળી ચૌદશ (7 નવેમ્બર 2026)

શનિવાર, તારીખ 07/11/2026 ના રોજ આસો વદ 14 એટલે કે કાળી ચૌદશ છે. આ નિમિત્તે શાસ્ત્રોક્ત માર્ગદર્શન મુજબ પૂજા અને ઉપાસના કરવામાં આવશે.

4. દિવાળી અને લક્ષ્મી પૂજન (8 નવેમ્બર 2026)

રવિવાર, તારીખ 08/11/2026 ના રોજ દિવાળીનો મહાપર્વ ઉજવવામાં આવશે. આ દિવસે વેપારીઓ દ્વારા ચોપડા પૂજન તેમજ ઘરોમાં લક્ષ્મી પૂજન અને દિપાવલી પૂજન કરવા માટેના ઉત્તમ મુહૂર્તો નીચે મુજબ છે:

* સવારે: 11:30 થી 12:20 વાગ્યા સુધી

* બપોરે: 01:50 થી 03:10 વાગ્યા સુધી

* સાંજે અને રાત્રે: સાંજે 06:00 વાગ્યાથી રાત્રે 10:05 વાગ્યા સુધી

5. નૂતન વર્ષ - વિક્રમ સંવત 2083 (10 નવેમ્બર 2026)

સોમવારે અમાસ પૂર્ણ થયા બાદ, મંગળવાર અને તારીખ 10/11/2026 ના રોજથી ગુજરાતી નૂતન વર્ષ (વિક્રમ સંવત 2083)નો શુભ પ્રારંભ થશે. બેસતા વર્ષના દિવસે શુભ શરૂઆત કરવા માટે સવારે 09:40 વાગ્યાથી બપોરે 01:40 વાગ્યા સુધીનો સમય સૌથી ઉત્તમ રહેશે.

6. લાભ પાંચમના શુભ મુહૂર્ત (14 નવેમ્બર 2026)

દિવાળીની રજાઓ બાદ શનિવાર, તારીખ 14/11/2026 ના રોજ કારતક સુદ 5 એટલે કે લાભ પાંચમ ઉજવાશે. આ દિવસે નવા વેપાર-ધંધા, રોજગાર કે શુભ કાર્યોની શરૂઆત કરવા માટેના શ્રેષ્ઠ મુહૂર્તો આ મુજબ છે:

* સવારે: 08:15 થી 09:35 વાગ્યા સુધી

* બપોરે: 12:25 થી 04:30 વાગ્યા સુધી

આ શુભ મુહૂર્તોમાં પૂજા-અર્ચના અને ખરીદી કરીને તમે પણ તમારા ઘરમાં સુખ, શાંતિ અને સમૃદ્ધિને આવકારી શકો છો. અમારા તમામ વાચકોને દિપાવલીના પાવન પર્વ અને નૂતન વર્ષની હાર્દિક શુભકામનાઓ.