Elon Musk: દુનિયાના સૌથી અમીર માણસના ખિસ્સામાં કેટલા રૂપિયા? મસ્કે પોતે જ કર્યો ચોંકાવનારો ખુલાસો

Elon Musk: ઈલોન મસ્ક હાલમાં દુનિયાના સૌથી અમીર વ્યક્તિ છે. તેમની સંપત્તિ જે ઝડપે વધી રહી છે તે જોઈને અનુમાન લગાવવામાં આવી રહ્યું છે કે આ વર્ષના અંત સુધીમાં તેઓ દુનિયાના પહેલા ટ્રિલિયોનેર બની શકે છે. ફોર્બ્સના લેટેસ્ટ લિસ્ટ મુજબ, મસ્કની કુલ સંપત્તિ લગભગ $849.3 Billion છે. આંકડો સાંભળીને કોઈને પણ પ્રશ્ન થાય કે શું મસ્ક પાસે આટલા બધા પૈસા રોકડા પડ્યા હશે? આ અંગે મસ્કે સોશિયલ મીડિયા પર મોટો ખુલાસો કર્યો છે.

મારી પાસે 0.1% થી પણ ઓછી રોકડ છે

દુનિયાભરમાં તેમની સંપત્તિ વિશે ચાલી રહેલી ચર્ચાઓ વચ્ચે ઈલોન મસ્કે સોશિયલ મીડિયા પ્લેટફોર્મ X પર પોતાની આર્થિક સ્થિતિ સ્પષ્ટ કરી છે. ઘણા લોકો માને છે કે તેમની પાસે બેંકમાં અબજો રૂપિયા પડ્યા હશે, પરંતુ હકીકત કંઈક અલગ છે.

મસ્કે લખ્યું કે, "મારી કુલ સંપત્તિ લગભગ સંપૂર્ણ રીતે ટેસ્લા (Tesla) અને સ્પેસએક્સ (SpaceX) માં મારી ભાગીદારીને કારણે છે. મારી પાસે કુલ નેટવર્થના 0.1% થી પણ ઓછી રોકડ રકમ છે." આનો સીધો અર્થ એ છે કે તેમની સંપત્તિ કાગળ પર અને કંપનીના શેર્સના રૂપમાં છે, ન કે બેંક બેલેન્સ કે તિજોરીમાં ભરેલી રોકડ તરીકે.