Netflix Warner Bros: મનોરંજનની દુનિયામાં અત્યારે એક એવી હલચલ મચી છે જે આવનારા સમયમાં દર્શકો ફિલ્મો અને વેબ સિરીઝ જોવાની રીતને સંપૂર્ણપણે બદલી શકે છે. વિશ્વની સૌથી મોટી મનોરંજન કંપનીઓમાંની એક, ‘વોર્નર બ્રધર્સ ડિસ્કવરી’ને ખરીદવા માટે સ્ટ્રીમિંગ જગતના બે દિગ્ગજો ‘નેટફ્લિક્સ’ (Netflix) અને ‘પેરામાઉન્ટ’ (Paramount) વચ્ચે જબરદસ્ત સ્પર્ધા જામી છે. આ સોદાની રકમ એટલી મોટી છે કે તેણે અમેરિકાના રાજકારણમાં પણ ગરમાવો લાવી દીધો છે, અને રાષ્ટ્રપતિ ડોનાલ્ડ ટ્રમ્પે પણ આ મામલે પોતાનો વાંધો ઉઠાવ્યો છે.

