ડેન્ગ્યુનો વધ્યો ખતરો: ભારતમાં 42ના મોત, જાણો મચ્છરથી બચવાના સરળ ઉપાય

Dengue in India: ભારતમાં ડેન્ગ્યુના કેસ ઝડપથી વધી રહ્યા છે. યૂનિયન મિનિસ્ટ્રી ઑફ હેલ્થ એન્ડ ફેમિલી વેલ્ફેરના તાજેતરના ડેટા મુજબ, ઑગસ્ટ 2025 સુધી દેશમાં ડેન્ગ્યુના 49,573 કેસ નોંધાયા છે, જેમાં 42 લોકોના મોત થયા છે. 2024માં કુલ 2,33,519 કેસ અને 297 મોત નોંધાયા હતા. દિલ્હીમાં 31 ઑગસ્ટ 2025 સુધી 964 કેસ નોંધાયા, જે ગયા વર્ષની સરખામણીએ ઓછા છે, જ્યારે 2024માં આ સંખ્યા 1,215 હતી. કેન્દ્રીય આરોગ્ય મંત્રી જે.પી. નડ્ડાએ જણાવ્યું કે, હાલ કેસ ઓછા છે, પરંતુ સાવચેતી રાખવી જરૂરી છે.

ડેન્ગ્યુથી બચવાના સરળ ઉપાય

મચ્છર ભગાડવાની દવા: ખુલ્લી ત્વચા પર DEET, પિકારિડિન અથવા સિટ્રોનેલા ઓઇલવાળી રિપેલન્ટ ક્રીમ લગાવો, ખાસ કરીને સવારે અને સાંજે જ્યારે ડેન્ગ્યુના મચ્છર વધુ સક્રિય હોય.

લાંબા કપડાં પહેરો: લાંબી બાંયના શર્ટ અને પેન્ટ પહેરો. હળવા રંગના કપડાં પસંદ કરો, કારણ કે મચ્છર ઘેરા રંગો તરફ આકર્ષાય છે.