ઈરાનના નવા સુપ્રીમ લીડર મોજતબા ખામેનેઈ જીવિત છે પણ ગંભીર રીતે ઘાયલ: ભારતીય ઇન્ટેલિજન્સ રિપોર્ટમાં મોટો ખુલાસો

દેશમાં કોઈ અફરાતફરી ન મચે અને સ્થિરતા જળવાઈ રહે તે માટે સેના માત્ર અમુક પસંદગીના નિવેદનો જ પબ્લિકમાં બહાર પાડી રહી છે.

પોતાના જ શપથ ગ્રહણ સમારોહમાં ગેરહાજર!

મોજતબાની હાલત પર ત્યારે વધુ શંકા ગઈ જ્યારે તેઓ પોતાના જ શપથ ગ્રહણ સમારોહમાં હાજર રહ્યા ન હતા. આ કાર્યક્રમમાં તેમની માત્ર એક મોટી તસવીર મૂકવામાં આવી હતી. આ ગેરહાજરી બાદ ઈરાન અને દુનિયાભરમાં એવા સવાલો ઉભા થયા છે કે શું મોજતબા ક્યારેય ભવિષ્યમાં જાહેરમાં આવીને દેશનું નેતૃત્વ કરી શકશે ખરા?

આ મામલે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે પણ ટિપ્પણી કરી હતી. તેમણે કહ્યું હતું કે ખામેનેઈ કદાચ 'કોઈક રીતે જીવિત' છે, પરંતુ હુમલામાં તેઓ એટલી હદે ઘાયલ થયા છે કે હવે તેઓ પહેલા જેવા રહ્યા નથી.

માહિતી પર સેનાનો કડક પહેરો

ભારતીય ઇન્ટેલિજન્સ રિપોર્ટ જણાવે છે કે, IRGC અત્યારે જાણીજોઈને એક 'સેન્સિટિવ ઇન્ટરનલ મેનેજમેન્ટ' વ્યૂહરચના વાપરી રહી છે. સેનાનો મુખ્ય હેતુ એ છે કે ઈરાનની જનતામાં કોઈ ડર કે ગભરામણ ન ફેલાય. અત્યારે IRGC એક અસ્થાયી વાલી તરીકે કામ કરી રહી છે અને એ વાતનું પૂરતું ધ્યાન રાખી રહી છે કે મોજતબાના સ્વાસ્થ્ય વિશેની કોઈ જ પાક્કી માહિતી આંતરરાષ્ટ્રીય સ્તરે લીક ન થાય.

ઈરાનની સત્તાનો ચહેરો ભલે અત્યારે મોજતબા ખામેનેઈ હોય, પરંતુ 28 ફેબ્રુઆરીના ઘાતક હુમલા બાદ તેઓ શારીરિક રીતે અસમર્થ બની ગયા છે. હાલમાં પડદા પાછળથી આખો દેશ ઈરાની સેના IRGC ચલાવી રહી છે. હવે જોવું એ રહ્યું કે મોજતબા ક્યારે જાહેરમાં આવીને પોતાના દેશની જનતાને સંબોધિત કરે છે.

આ પણ વાંચો-શેરબજારમાં જંગી વેચવાલી: FPIએ માત્ર 15 દિવસમાં ભારતીય બજારમાંથી 52704 કરોડ પાછા ખેંચ્યા, જાણો કેમ?