Monsoon Deficit Alert: ચોમાસાની વિદાય શરૂ,દેશના 14 રાજ્યોમાં દુકાળ જેવી સ્થિતિ, આ વર્ષે 10% ઓછો વરસાદ નોંધાશે

Monsoon Deficit Alert: દેશમાંથી દક્ષિણ-પશ્ચિમ ચોમાસું હવે ધીમે ધીમે વિદાય લઈ રહ્યું છે. પરંતુ જતાં-જતાં તે ખેડૂતો માટે ચિંતાનો વિષય બની ગયું છે. રિપોર્ટ મુજબ, આ વર્ષે ચોમાસાની સિઝન સામાન્ય કરતા 10% ઓછા વરસાદ સાથે પૂરી થવાની પૂરેપૂરી સંભાવના છે. 19 સપ્ટેમ્બર સુધીના આંકડા દર્શાવે છે કે દેશમાં વરસાદની ભારે અછત છે, જેની સીધી અસર ખેતી પર પડશે.

પશ્ચિમ રાજસ્થાનથી ચોમાસાની વિદાય શરૂ

ભારતીય હવામાન વિભાગના જણાવ્યા અનુસાર, 19 સપ્ટેમ્બરથી પશ્ચિમ રાજસ્થાનના વિસ્તારોમાંથી ચોમાસાએ પરત ફરવાનું શરૂ કરી દીધું છે. સામાન્ય રીતે ચોમાસાની વિદાય 17 સપ્ટેમ્બરથી શરૂ થતી હોય છે, એટલે કે આ વર્ષે ચોમાસું 2 દિવસ મોડું વિદાય લઈ રહ્યું છે. આગામી 3 થી 4 દિવસમાં રાજસ્થાનના અન્ય વિસ્તારો, પંજાબ અને ગુજરાતના સૌરાષ્ટ્ર-કચ્છમાંથી પણ ચોમાસું પાછું ખેંચાઈ શકે છે. જોકે, 20 અને 21 સપ્ટેમ્બરે રાજસ્થાનના કોટા અને ઉદયપુરમાં છૂटोછવાયો વરસાદ પડી શકે છે.

14 રાજ્યોમાં 20% થી વધુ વરસાદની ઘટ

વરસાદના આંકડા નિરાશાજનક છે. 1 જૂનથી 19 સપ્ટેમ્બર સુધીમાં દેશભરમાં સામાન્ય કરતા 15% ઓછો વરસાદ નોંધાયો છે. સૌથી વધુ ચિંતાની વાત એ છે કે દેશના 14 રાજ્યોમાં વરસાદની ઘટ 20% કરતા પણ વધુ છે.

આ રાજ્યોમાં બિહાર, પંજાબ, હરિયાણાનો સમાવેશ થાય છે. દક્ષિણ ભારતના તમામ પાંચ રાજ્યોમાં પણ ઓછો વરસાદ પડ્યો છે.આ ઉપરાંત ઉત્તર-પશ્ચિમ અને પૂર્વોત્તરના કેટલાક રાજ્યોમાં પણ દુકાળ જેવો માહોલ જોવા મળી રહ્યો છે.

ખેડૂતોની ચિંતા વધી: ખરીફ અને રવી પાક પર મોટી અસર