Jharkhand: આ છે ઝારખંડનું વેજ મટન રૂગડા, કેન્સર-અસ્થમા જેવા રોગોમાં છે ખૂબજ ફાયદાકારક

Rugda is Veg Mutton of Jharkhand: વેજ મટન! વાસ્તવમાં ઝારખંડમાં રૂગડાને આના નામથી ઓળખવામાં આવે છે. ઝારખંડના જંગલમાં જોવા મળતા મશરૂમની આ પ્રજાતિ ખૂબ જ સ્વાદિષ્ટ હોય છે. તેનો સ્વાદ બિલકુલ મટન જેવો હોય છે. તે પ્રોટીનથી ભરપુર છે, જ્યારે કેલરી અને ચરબી નહિવત્ હોય છે. મશરૂમની પ્રજાતિ રુગડા દેખાવમાં નાના બટેટા જેવી હોય છે. સામાન્ય મશરૂમ્સથી વિપરીત, તે ભૂગર્ભમાં ઉગે છે. તે પણ બધે નહીં પણ સાલના ઝાડ નીચે. વરસાદની મોસમમાં, જંગલોમાં સાલના ઝાડની નીચે તિરાડોમાં પાણી પ્રવેશતાની સાથે જ તે વધવા લાગે છે. ગામલોકો આને ભેગુ કરીને વેચે છે.

અનેક રોગોની દવા રૂગડા

રૂગડા અનેક રોગોની દવા પણ છે. તેમાં એવા ઘણા તત્વો છે જે મનુષ્યની રોગપ્રતિકારક શક્તિ વધારવામાં મદદ કરે છે. હાઈ ક્વોલિટી પ્રોટીન ઉપરાંત વિટામિન સી, વિટામિન બી કોમ્પ્લેક્સ, રિબોલેનિન, થિયામીન, વિટામિન બી-12, ફોલિક એસિડ અને ક્ષાર, કેલ્શિયમ, ફોસ્ફરસ, પોટેશિયમ, કોપર અને વિટામિન ડી મળી આવે છે. આ ઉપરાંત તેનો ઉપયોગ અસ્થમા, કબજિયાત અને ચામડીના અનેક રોગો માટે આયુર્વેદિક દવા તરીકે થાય છે. આ સિવાય રુગડા કેન્સર જેવી જીવલેણ બીમારીઓને રોકવા અને લડવામાં ખૂબ જ મદદરૂપ સાબિત થાય છે.

ઘણા નામોથી ઓળખ