રણવીર અલ્લાહબાદિયા અને સમય રૈનાની વધી મુશ્કેલીઓ, મહારાષ્ટ્ર સાયબર સેલે મોકલ્યું સમન્સ

રણવીર અલ્લાહબાદિયાએ શનિવારે ફરી એકવાર પોતાની વિવાદાસ્પદ ટિપ્પણી બદલ માફી માંગી. તેણે સોશિયલ મીડિયા પર જણાવ્યું કે તેને અને તેના પરિવારને જાનથી મારી નાખવાની ધમકીઓ મળી રહી છે. "આ પરિસ્થિતિમાં મને ડર લાગી રહ્યો છે કારણ કે મને અને મારા પરિવારને જાનથી મારી નાખવાની ધમકીઓ મળી રહી છે," અલ્લાહબાદિયાએ શનિવારે 'X' પર લખ્યું. લોકો કહી રહ્યા છે કે તેઓ મને મારી નાખવા માંગે છે અને મારા પરિવારને નુકસાન પહોંચાડવા માંગે છે." તેમણે કહ્યું કે કેટલાક લોકો તેમની માતાના ક્લિનિકમાં પણ ઘૂસી ગયા હતા. જોકે, તેમણે એમ પણ કહ્યું કે તેઓ કોઈના ડરથી ભાગવાના નથી અને તેમને પોલીસ અને ન્યાય વ્યવસ્થામાં સંપૂર્ણ વિશ્વાસ છે.

રૈનાએ યુટ્યુબ પરથી શોના બધા 18 એપિસોડ દૂર કર્યા

રણવીર અલ્લાહબાદિયાની વિવાદાસ્પદ ટિપ્પણી બાદ સોશિયલ મીડિયા પર તેનો ભારે વિરોધ થઈ રહ્યો છે. તેમની સામે પોલીસ ફરિયાદો નોંધાઈ હતી. મુંબઈ અને ગુવાહાટીમાં તેમની વિરુદ્ધ ફરિયાદો દાખલ કરવામાં આવી છે. વિવાદ બાદ રૈનાએ યુટ્યુબ પરથી શોના તમામ 18 એપિસોડ દૂર કર્યા અને કહ્યું કે તે અધિકારીઓને સંપૂર્ણ સહયોગ કરશે.

આ પણ વાંચો-નવી MPV ખરીદવાનું કરી રહ્યાં છો પ્લાનિંગ! આ 3 શાનદાર મોડલ આવી રહ્યા છે માર્કેટમાં; આમાં EV પણ શામેલ