T20 World Cup 2026: જો પાકિસ્તાન ભારત સામે નહીં રમે તો થશે 316 કરોડનું નુકસાન, ICC એ આપ્યું 48 કલાકનું અલ્ટીમેટમ

પાકિસ્તાન પર શું કાર્યવાહી થઈ શકે?

જો પાકિસ્તાન પોતાની જીદ નહીં છોડે, તો તેને નીચે મુજબના મોટા ફટકા પડી શકે છે

316 કરોડનું નુકસાન: ICC પાકિસ્તાનને મળતા વાર્ષિક ફંડને રોકી શકે છે. આ રકમ લગભગ 3.45 કરોડ ડોલર એટલે કે ભારતીય રૂપિયામાં આશરે 316 કરોડ જેટલી થાય છે. આર્થિક સંકટનો સામનો કરી રહેલા પાકિસ્તાન ક્રિકેટ માટે આ બહુ મોટો ઝટકો હશે.

PSL પર ખતરો: પાકિસ્તાન સુપર લીગ (PSL)માં રમવા આવતા વિદેશી ખેલાડીઓને NOC આપવામાં નહીં આવે. વિદેશી સ્ટાર્સ વગર પાકિસ્તાનની આ લીગ ફ્લોપ થઈ શકે છે.

સંપૂર્ણ સસ્પેન્શન: સૌથી કડક સજા રૂપે, પાકિસ્તાનને તમામ ઈન્ટરનેશનલ ટૂર્નામેન્ટમાંથી સસ્પેન્ડ કરવામાં આવી શકે છે. એટલે કે તેઓ ભવિષ્યમાં કોઈ પણ દેશ સામે સીરીઝ રમી શકશે નહીં.

ભારત રમવા માટે તૈયાર

એક રિપોર્ટ અનુસાર, પાકિસ્તાનની ધમકીઓ વચ્ચે પણ ભારતીય ટીમ મેચ રમવા માટે સંપૂર્ણ તૈયાર છે. આ મેચ શ્રીલંકામાં રમાવાની છે. ICC પણ ઈચ્છે છે કે 15 ફેબ્રુઆરીએ ભારત-પાકિસ્તાન મેચ યોજાય જ, કારણ કે દર્શકો અને બ્રોડકાસ્ટર્સ માટે આ સૌથી મોટી મેચ હોય છે.

આગળ શું થશે?

હવે ક્રિકેટ જગતની નજર આવનારા 48 કલાક પર ટકેલી છે. શું પાકિસ્તાન આર્થિક નુકસાન અને બદનામીના ડરથી પોતાનો નિર્ણય બદલશે? કે પછી બાંગ્લાદેશની જેમ પાકિસ્તાનની જગ્યાએ પણ કોઈ બીજી ટીમને તક આપવામાં આવશે? જય શાહના નેતૃત્વમાં ICC એ સ્પષ્ટ સંદેશ આપ્યો છે કે રમતગમતમાં રાજનીતિને કારણે ટૂર્નામેન્ટને નુકસાન પહોંચાડવા દેવામાં આવશે નહીં.

આ પણ વાંચો-રાહુલ ગાંધીએ સંસદમાં નરવણેની પુસ્તકનો ઉલ્લેખ કર્યો અને થયો ભારે હોબાળો, અમિત શાહ અને રાજનાથ સિંહે આપ્યો આકરો જવાબ