તમારા લોકરમાં પડેલું જૂનું સોનું દેશનું નસીબ બદલશે, જાણો PM મોદીની 'ગોલ્ડ રિસાયક્લિંગ' અપીલ પાછળનું મોટું કારણ

ભારતમાં સોના પ્રત્યેનો લગાવ કોઈનાથી છુપાયેલો નથી. છેલ્લા કેટલાક સમયથી સોનાના ભાવ ભલે આસમાને પહોંચી ગયા હોય, પરંતુ લગ્ન કે તહેવારોમાં તેની ધૂમ ખરીદી ચાલુ જ રહે છે. લોકો સોનાને એક ઉત્તમ રોકાણ માને છે. પરંતુ, શું તમે જાણો છો કે દેશમાં દર વર્ષે જેટલું નવું સોનું ખરીદાય છે, તેના કરતાં અનેકગણું સોનું લોકોના ઘરમાં વર્ષોથી સચવાયેલું પડ્યું છે?

એક લેટેસ્ટ રિપોર્ટ અનુસાર, હાલમાં ભારતીય પરિવારો અને મંદિરો પાસે અંદાજે 30,000 થી 32,000 ટન જેટલું સોનું સંગ્રહિત છે. આ ખજાનાની કિંમત લગભગ 3.8 ટ્રિલિયન ડોલર આંકવામાં આવી છે. આશ્ચર્યની વાત એ છે કે, આમાંથી મોટાભાગનું સોનું બેંકના લોકર કે ઘરની તિજોરીઓમાં કોઈ પણ ઉપયોગ વિના માત્ર ધૂળ ખાઈ રહ્યું છે. જો આમાંથી થોડા સોનાનો પણ અર્થવ્યવસ્થામાં ઉપયોગ થાય, તો દેશને મોટો આર્થિક ફાયદો થઈ શકે છે.

PM મોદીએ કેમ કરી 'ગોલ્ડ રિસાયક્લિંગ'ની અપીલ?

હાલમાં મધ્ય-પૂર્વના દેશોમાં ચાલી રહેલા સંકટની સીધી અસર ભારત પર પડી છે. ત્યાંથી આવતા ક્રૂડ ઓઈલનો સપ્લાય પ્રભાવિત થતાં પેટ્રોલ-ડીઝલ અને ગેસના ભાવમાં ઉછાળો જોવા મળ્યો છે. આ તમામ વૈશ્વિક ઘટનાક્રમ વચ્ચે, વડાપ્રધાન નરેન્દ્ર મોદીએ દેશવાસીઓને એક ખાસ અપીલ કરી હતી. તેમણે સૂચન કર્યું છે કે ભારતીય પરિવારોએ નવું સોનું ખરીદવાને બદલે ઘરમાં જ નકામું પડેલું જૂનું સોનું બહાર કાઢીને તેને 'રિસાયકલ' કરાવવું જોઈએ.

ગોલ્ડ રિસાયક્લિંગ એટલે શું?

ઘરમાં કોઈ પણ ઉપયોગ વિના પડેલા સોનાને ફરીથી વાપરવા લાયક બનાવવાની પ્રક્રિયાને 'ગોલ્ડ રિસાયક્લિંગ' કહેવાય છે.આ પ્રક્રિયામાં જૂના ઘરેણાં, તૂટેલા સિક્કા, સોનાની લગડી કે ઈલેક્ટ્રોનિક સામાનમાંથી નીકળતા સોનાને એકત્ર કરવામાં આવે છે. ત્યારબાદ તેની શુદ્ધતા ચકાસીને તેને ઓગાળવામાં આવે છે અને સાફ કરાય છે. અંતે તેમાંથી 99.99% શુદ્ધ સોનું તૈયાર કરવામાં આવે છે, જેમાંથી નવી જ્વેલરી કે સિક્કા બનાવી શકાય છે.આ પ્રક્રિયા માત્ર આર્થિક રીતે જ નહીં, પણ પર્યાવરણ માટે પણ ખૂબ ફાયદાકારક છે. કારણ કે, રિસાયક્લિંગ વધવાથી ખાણમાંથી નવું સોનું કાઢવાની જરૂરિયાત ઘટે છે, જેથી પ્રદૂષણ અને ઊર્જાનો ખર્ચ બચે છે.

રિસાયક્લિંગથી દેશની અર્થવ્યવસ્થાને શું ફાયદો થશે?