2025 Fortuner Leader Edition: 2025 ફોર્ચ્યુનર લીડર એડિશન નવા દેખાવ અને અદ્ભુત સુવિધાઓ સાથે લોન્ચ, જાણો પ્રાઇઝ અને બુકિંગ ડિટેલ્સ

2025 Fortuner Leader Edition: દિવાળીની રજાઓ નજીક આવતાં જ ઓટોમોબાઇલ કંપનીઓએ તેમના મોડલ્સને નવું રૂપ આપવાનું શરૂ કરી દીધું છે. આ વચ્ચે ટોયોટા કિર્લોસ્કર મોટરે તેમની સૌથી વધુ વેચાતી SUV ફોર્ચ્યુનરનું નવું વર્ઝન '2025 ફોર્ચ્યુનર લીડર એડિશન' લોન્ચ કર્યું છે. આ ખાસ એડિશન સ્ટાઇલ, પાવર અને લક્ઝરીનું પરફેક્ટ કોમ્બિનેશન છે, જે ફેસ્ટિવ સીઝનમાં પ્રીમિયમ SUV ખરીદવા માંગતા કસ્ટમર્સ માટે બનાવવામાં આવી છે.

કંપની અનુસાર, 2025 ફોર્ચ્યુનર લીડર એડિશનની બુકિંગ ઓક્ટોબર 2025ના બીજા અઠવાડિયાથી શરૂ થશે. પ્રાઇસની ઓથોરાઇઝ જાહેરાત હજુ થઈ નથી, પરંતુ અંદાજે 2WD ડીઝલ વર્ઝનની શરૂઆત 36.88 લાખ (એક્સ-શોરૂમ)થી થશે, જ્યારે ઓટોમેટિક (AT) વેરિયન્ટની કિંમત 39.16 લાખ (એક્સ-શોરૂમ) સુધી પહોંચી શકે છે. આ પ્રાઇસમાં ફેસ્ટિવલ ડિસ્કાઉન્ટ અને ફાઇનાન્સ ઓપ્શન્સ પણ મળી શકે છે, જે તેને વધુ આકર્ષક બનાવે છે.

ડિઝાઇન અને લુકમાં શું નવું?

નવી ફોર્ચ્યુનર લીડર એડિશને વધુ મસ્ક્યુલર અને મોડર્ન લુક આપવા માટે નવી ગ્રિલ ડિઝાઇન, ફ્રન્ટ અને રિયર બંપર સ્પોઇલર્સ, અને બ્લેક-ઔટ રૂફ જેવા ચેન્જિસ કરવામાં આવ્યા છે. તેમાં 18-ઇંચ ગ્લોસી બ્લેક એલોય વ્હીલ્સ, 'FORTUNER' બેજિંગ અને નવું હુડ એમ્બ્લેમ પણ છે. આ એડિશન ચાર કલર ઓપ્શન્સમાં મળશે – એટિટ્યુડ બ્લેક, સુપર વ્હાઇટ, પર્લ વ્હાઇટ અને સિલ્વર – અને તે મેન્યુઅલ તથા ઓટોમેટિક બંને વેરિયન્ટ્સ (4x2 કોન્ફિગરેશન)માં ઉપલબ્ધ છે. આ બધું તેને રોડ પર વધુ બોલ્ડ અને આકર્ષક બનાવે છે.

ઇન્ટિરિયર અને ફીચર્સ

ઇન્ટિરિયરમાં પણ અપગ્રેડ્સ છે, જે કેબિને વધુ પ્રીમિયમ ફીલ આપે છે. તેમાં બ્લેક-એન્ડ-મરુન ડ્યુઅલ-ટોન સીટ્સ અને ડોર ટ્રિમ્સ, ઓટો-ફોલ્ડિંગ ORVMs, ઇલ્યુમિનેટેડ સ્કફ પ્લેટ્સ અને ટાયર પ્રેશર મોનિટરિંગ સિસ્ટમ (TPMS) જેવી એડવાન્સ્ડ સુવિધાઓ છે. આ ફીચર્સ સેફ્ટી અને કમ્ફર્ટને વધારે છે, જેથી લોંગ ડ્રાઇવ્સ પણ આનંદાયક બને.