નવા વર્ષથી કારની કિંમતોમાં થઈ રહ્યો છે વધારો? કંઈ કંપનીઓ વધારવા જઈ રહી છે પ્રાઇઝ

કંપની જે એન્ટ્રી-લેવલ અલ્ટો K10થી લઈને Invicto સુધીના મોડલનું વેચાણ કરે છે, તેણે કહ્યું કે તે વધતા ઈનપુટ ખર્ચ અને સંચાલન ખર્ચને ધ્યાનમાં રાખીને કિંમતોમાં વધારો કરી રહી છે. હ્યુન્ડાઈ મોટર ઈન્ડિયા 1 જાન્યુઆરી, 2025થી તેની મોડલ રેન્જની કિંમતોમાં રુપિયા 25,000 સુધીનો વધારો કરવાનું પણ વિચારી રહી છે. મહિન્દ્રા એન્ડ મહિન્દ્રા જાન્યુઆરીથી તેની એસયુવી અને કોમર્શિયલ વ્હીકલોની કિંમતમાં ત્રણ ટકા સુધીનો વધારો કરશે. મહિન્દ્રા એન્ડ મહિન્દ્રાએ જણાવ્યું હતું કે મોંઘવારી અને માલસામાનની વધેલી કિંમતોને કારણે વધતા ખર્ચને ધ્યાનમાં રાખીને આ એડજસ્ટમેન્ટ કરવામાં આવ્યું છે. તેવી જ રીતે, JSW MG મોટર ઇન્ડિયાએ જણાવ્યું હતું કે તે આવતા મહિનાથી તેની સમગ્ર મોડલ રેન્જના ભાવમાં ત્રણ ટકા સુધીનો વધારો કરશે. કંપનીએ કહ્યું કે કિંમતોમાં આ વધારો સતત વધી રહેલા ઇનપુટ ખર્ચ અને અન્ય બાહ્ય પરિબળોનું પરિણામ છે.

હોન્ડા પણ કિંમત વધારી શકે

Honda Cars India પણ કિંમતો વધારવાનું વિચારી રહી છે, પરંતુ હજુ સુધી તે નક્કી નથી કર્યું કે કેટલો વધારો થશે. લક્ઝરી કાર માર્કેટ લીડર મર્સિડીઝ બેન્ઝ ઈન્ડિયા જાન્યુઆરીથી કિંમતોમાં ત્રણ ટકા સુધીનો વધારો કરવાની યોજના બનાવી રહી છે. ઇનપુટ અને ટ્રાન્સપોર્ટેશન ખર્ચમાં વધારાને કારણે ઓડી ઇન્ડિયા તેની તમામ મોડલ રેન્જમાં કિંમતોમાં ત્રણ ટકા સુધીનો વધારો કરશે. એ જ રીતે, BMW ઇન્ડિયા આવતા વર્ષે જાન્યુઆરીથી તેની મોડલ રેન્જની કિંમતોમાં ત્રણ ટકા સુધીનો વધારો કરવાની યોજના બનાવી રહી છે.

આ પણ વાંચો-બેન્કો દ્વારા હરાજી કરાયેલી મિલકતો ખરીદવા માંગો છો? જો તમે આ વાત ધ્યાનમાં નહીં રાખો તો સાબિત થશે ખર્ચાળ પ્રોપર્ટી