May Auto Sales: પશ્ચિમ એશિયામાં ચાલી રહેલા ભૌગોલિક તણાવ છતાં, ભારતીય ઓટોમોબાઇલ માર્કેટમાં મે મહિનામાં શાનદાર પ્રદર્શન જોવા મળ્યું છે. પેસેન્જર વ્હીકલ્સ (PV) અને ટુ-વ્હીલર સેગમેન્ટમાં ગ્રાહકોની ભારે માંગ નોંધાઈ છે. આંકડાઓ પર નજર કરીએ તો, ટુ-વ્હીલરનું વેચાણ બજારના અનુમાન કરતા ઘણું સારું રહ્યું છે. નીચા બેઝના કારણે સ્થાનિક પેસેન્જર વ્હીકલ માર્કેટમાં મજબૂત ગ્રોથ જોવા મળ્યો છે. આ ઉપરાંત ટ્રેક્ટર સેગમેન્ટના આઉટલૂક પર પણ સૌની નજર ટકેલી છે.
May Auto Sales: પશ્ચિમ એશિયાના તણાવ વચ્ચે પણ ભારતમાં ઓટો સેક્ટરમાં તેજી, જાણો મારુતિથી લઈને ટાટા સુધીના શાનદાર સેલ્સ રિપોર્ટ
પશ્ચિમ એશિયાના તણાવ વચ્ચે પણ મે મહિનામાં ભારતમાં પેસેન્જર વ્હીકલ અને ટુ-વ્હીલરના વેચાણમાં જોરદાર ઉછાળો. મારુતિ, ટાટા, TVS અને મહિન્દ્રા સહિતની કંપનીઓના લેટેસ્ટ સેલ્સ આંકડા વાંચો.
MoneyControl Newsઅપડેટેડ Jun 01, 2026 પર 4:48 PM
ચાલો જાણીએ ભારતના અગ્રણી ઓટોમોબાઈલ ઉત્પાદકોના મે મહિનાના વેચાણના તાજા આંકડા
ટુ-વ્હીલર સેગમેન્ટ: TVS અને બજાજમાં મજબૂત ગ્રોથ
બજાજ ઓટો
મે મહિનામાં કંપનીની નિકાસ (Export) 2 લાખ યુનિટ્સ પર જળવાઈ રહી છે. જ્યારે કંપનીના ગાઈડન્સ મુજબ, સ્થાનિક વેચાણમાં માસિક ધોરણે 10% નો વધારો નોંધાયો છે.
TVS મોટર્સ
કંપનીનું પ્રદર્શન અનુમાન કરતા ઘણું સારું રહ્યું છે. મે મહિનામાં કંપનીના કુલ વેચાણમાં 31% નો જંગી ઉછાળો આવ્યો છે. સૌથી મોટી વાત એ છે કે તમામ સેગમેન્ટમાં 30% થી વધુનો ગ્રોથ નોંધાયો છે.
આઇશર મોટર્સ
રોયલ એનફિલ્ડનું વેચાણ વાર્ષિક ધોરણે 15% વધીને 1.03 લાખ યુનિટ થયું છે. જેમાં 350cc સુધીની બાઈકના વેચાણમાં 19% નો વધારો થયો છે, પરંતુ 350cc થી વધુ ક્ષમતાવાળી બાઈકનું વેચાણ 4% ઘટ્યું છે. જોકે, ઇન્ટરનેશનલ બિઝનેસ (નિકાસ) માં 33% નો મોટો ઘટાડો નોંધાયો છે.
પેસેન્જર વ્હીકલ્સ (PV): મારુતિ અને ટાટાની બોલબાલા
મારુતિ સુઝુકી
મારુતિના આંકડા ચોંકાવનારા અને અનુમાન કરતા વધુ સારા રહ્યા છે. વાર્ષિક ધોરણે કુલ વેચાણ 35% વધ્યું છે. ખાસ કરીને એન્ટ્રી-લેવલની નાની કારના વેચાણમાં 140% નો તોતિંગ ઉછાળો અને UV (યુટિલિટી વ્હીકલ) ના વેચાણમાં 44% નો વધારો જોવા મળ્યો છે.
ટાટા મોટર્સ
પેસેન્જર વ્હીકલ સેગમેન્ટમાં ટાટા મોટર્સનું વેચાણ અનુમાન કરતા વધુ 42% વધ્યું છે. જ્યારે ઇલેક્ટ્રિક વ્હીકલ્સ (EV) ના વેચાણમાં રેકોર્ડબ્રેક 85% નો શાનદાર ઉછાળો નોંધાયો છે.
હ્યુન્ડાઈ
અન્ય કંપનીઓની સરખામણીમાં હ્યુન્ડાઈનું પ્રદર્શન થોડું નબળું રહ્યું છે. કંપનીનું કુલ વેચાણ 4% ના મામૂલી વધારા સાથે 61,137 યુનિટ્સ નોંધાયું છે.
કોમર્શિયલ વ્હીકલ અને ટ્રેક્ટર સેગમેન્ટ
મહિન્દ્રા એન્ડ મહિન્દ્રા
મહિન્દ્રાના ઓટો અને ટ્રેક્ટર બંને સેગમેન્ટે બજારમાં દબદબો જાળવી રાખ્યો છે. ઓટો વેચાણ 20% અને SUV વેચાણ 11% વધ્યું છે. ખેડૂતોની સારી માંગને પગલે ટ્રેક્ટરના કુલ વેચાણમાં 22% નો ઉછાળો આવ્યો છે, જે 49,695 યુનિટ્સ પર પહોંચ્યું છે. કંપનીનું માનવું છે કે નાણાકીય વર્ષ 2027 (FY27) માં ઇન્ડસ્ટ્રી સિંગલ-ડિજિટલ ગ્રોથ હાંસલ કરી શકે છે.
ટાટા મોટર્સ
કોમર્શિયલ વ્હીકલના વેચાણના આંકડા થોડા નિરાશાજનક રહ્યા છે. 24% ના અનુમાન સામે કુલ વેચાણ માત્ર 17% વધ્યું છે. જોકે, ડોમેસ્ટિક M&HCV માં 10%, ટ્રકના વેચાણમાં 8 થી 11% અને કાર્ગો તથા પિકઅપ સેગમેન્ટમાં 30% નો વધારો થયો છે.
અશોક લેલેન્ડ
અશોક લેલેન્ડના આંકડા આશા કરતા ઘણા નબળા રહ્યા છે. 8% ના ગ્રોથના અનુમાન સામે કંપનીના કુલ વેચાણમાં વાર્ષિક ધોરણે 3% નો ઘટાડો નોંધાયો છે. LCV (લાઇટ કોમર્શિયલ વ્હીકલ) સિવાયના અન્ય તમામ સેગમેન્ટમાં વેચાણ ઘટ્યું છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.