નવી Tata Sierra SUV લોન્ચ: 11.49 લાખની શરૂઆત, સલામતી, ટેકનોલોજી અને લુકમાં નંબર-1

લાંબા સમયથી રાહ જોવાઈ રહી હતી તે Tata Motorsની શાનદાર SUV, Tata Sierra, હવે નવા અને આધુનિક અવતારમાં માર્કેટમાં લોન્ચ થઈ ગઈ છે. મંગળવારે લોન્ચ કરાયેલી આ નવી Sierra SUV 11.49 લાખની (એક્સ-શોરૂમ) આકર્ષક શરૂઆતી કિંમત સાથે બજારમાં ધૂમ મચાવવા તૈયાર છે. આ નવી Sierra તેના વિશાળ સ્પેસ, સેગમેન્ટમાં સૌથી મોટા સનરૂફ, અદ્યતન એન્ટરટેઈનમેન્ટ અને સુરક્ષા ફીચર્સ સાથે ગ્રાહકોને એક અનોખો અનુભવ આપશે.

ત્રણ પાવરફુલ એન્જિન વિકલ્પો નવી Tata Sierra ખરીદદારોની વિવિધ જરૂરિયાતોને પહોંચી વળવા માટે ત્રણ પાવરફુલ એન્જિન વિકલ્પો સાથે ઉપલબ્ધ છે:

1) 1.5-લિટર ટર્બોચાર્જ્ડ ડાયરેક્ટ-ઇન્જેક્શન પેટ્રોલ એન્જિન: આ એન્જિન 160 PS પાવર અને 255 Nm ટોર્ક જનરેટ કરે છે. તે 6-સ્પીડ મેન્યુઅલ અને 6-સ્પીડ ઓટોમેટિક ગિયરબોક્સ વિકલ્પો સાથે ઉપલબ્ધ છે.

2) 1.5-લિટર નેચરલી એસ્પિરેટેડ પેટ્રોલ એન્જિન: આ યુનિટ 106 PS પાવર અને 145 Nm ટોર્ક આપે છે, જે 6-સ્પીડ મેન્યુઅલ અને 7-સ્પીડ DCA ઓટોમેટિક ટ્રાન્સમિશન સાથે આવે છે.

3) 1.5-લિટર ટર્બો-ડીઝલ એન્જિન: ડીઝલ વિકલ્પમાં 118 PS પાવર મળે છે. મેન્યુઅલ ટ્રાન્સમિશન સાથે 260 Nm અને ઓટોમેટિક ટ્રાન્સમિશન સાથે 280 Nm ટોર્ક જનરેટ કરે છે. આ એન્જિન 6-સ્પીડ મેન્યુઅલ અને 6-સ્પીડ ઓટોમેટિક બંને વિકલ્પોમાં ઉપલબ્ધ છે.

સુરક્ષા અને ટેકનોલોજીમાં અગ્રેસર Tata Motorsએ નવી Sierraમાં સુરક્ષાને પ્રાથમિકતા આપી છે. તેમાં ભારતની કોઈપણ પ્રોડક્શન કારમાં લગાવવામાં આવેલ સૌથી સ્લિમ LED હેડલેમ્પ (17 mm નો બાય-LED મોડ્યુલ) નો ઉપયોગ કરવામાં આવ્યો છે, જે રાત્રિના સમયે પણ ઉત્તમ વિઝિબિલિટી પૂરી પાડે છે. ટેકનોલોજીના મોરચે પણ Sierra કોઈથી પાછળ નથી.

ખાસ ફીચર્સ જે તેને બનાવે છે અનોખી