ચીને અમેરિકાને હરાવ્યું...! અલીબાબાએ AI સિસ્ટમ બનાવી, ફક્ત ચાઇનીઝ ચિપ્સનો કર્યો ઉપયોગ

આર્ટિફિશિયલ ઇન્ટેલિજન્સ (AI) ની દુનિયામાં ચીન અને અમેરિકા વચ્ચે કોમ્પિટિશન કઠિન બની રહી છે. હાલમાં રમત ચીનના હાથમાં હોય તેવું લાગે છે. હકીકતમાં, ચીને એક AI સિસ્ટમ બનાવી છે જેમાં ચીનમાં બનેલા સેમિકન્ડક્ટર ચિપ્સનો ઉપયોગ કરવામાં આવ્યો છે. તે જેક માની કંપની એન્ટ ગ્રુપ દ્વારા બનાવવામાં આવ્યું છે. એન્ટ ગ્રુપ એ જેક માની કંપની અલીબાબાની પેટાકંપની છે. જેક મા એક સમયે માત્ર ચીનમાં જ નહીં પણ એશિયાના સૌથી ધનિક વ્યક્તિ હતા. કંપનીનો દાવો છે કે આ AI મોડેલની કિંમત સામાન્ય AI મોડેલ કરતા 20 ટકા ઓછી છે. જેક માના આ સમાચાર બહાર આવ્યા પછી, ચીની મેડિકલ કંપની મી એન્ડ ક્વિના સ્થાપક અને મોટા ઉદ્યોગપતિ આર્નોડ બર્ટ્રાન્ડે X પર એક પોસ્ટ પોસ્ટ કરી છે. આમાં તેમણે લખ્યું છે કે ચીને અમેરિકાને હરાવ્યું છે. આનું કારણ એ છે કે વિશ્વભરમાં અમેરિકન કંપનીઓ તરફથી ચિપ્સની માંગ છે. અમેરિકન કંપની Nvidia આમાં આગળ છે. જોકે, હવે ચીન AI માં ઝડપથી પોતાની પકડ મજબૂત કરી રહ્યું છે. ચીની AI ચેટબોટ ડીપસીક પછી ચીનની આ બીજી મોટી સિદ્ધિ છે.

કઈ કંપનીઓની ચિપ્સનો ઉપયોગ કરવામાં આવ્યો હતો?

આ બાબતથી પરિચિત લોકોના મતે, એન્ટ ગ્રુપ ઘરેલુ ચિપ્સનો ઉપયોગ કરતું હતું. આમાં અલીબાબા અને હુવેઇ ટેક્નોલોજીસ જેવા સહયોગીઓની ચિપ્સનો સમાવેશ થતો હતો. આ ચિપ્સનો ઉપયોગ 'મિક્સચર ઓફ એક્સપર્ટ્સ' નામની મશીન લર્નિંગ ટેકનોલોજીનો ઉપયોગ કરીને મોડેલને તાલીમ આપવા માટે કરવામાં આવ્યો હતો.

સૂત્રોના જણાવ્યા અનુસાર, તેના પરિણામો Nvidiaના H800 જેવા ચિપ્સ જેવા જ હતા. એન્ટ હજુ પણ એઆઈ ડેવલપમેન્ટ માટે એનવીડિયાનો ઉપયોગ કરી રહી છે. પરંતુ હવે તે તેના નવા મોડેલો માટે AMD અને ચાઇનીઝ ચિપ્સ જેવા ઓપ્શન્સ પર વધુ આધાર રાખે છે.

અમેરિકાએ પ્રતિબંધ લગાવ્યો

થોડા સમય પહેલા, અમેરિકાએ ચીનમાં કેટલાક સેમિકન્ડક્ટર્સની નિકાસ પર પ્રતિબંધ મૂક્યો હતો. આમાં Nvidia ના H800 સેમિકન્ડક્ટરનો પણ સમાવેશ થાય છે. H800 સૌથી અદ્યતન પ્રોસેસર નથી, પરંતુ તે એક પાવરફૂલ પ્રોસેસર છે.

આ પણ વાંચો- શરીરમાં આ વિટામિનની ઉણપ મગજ પર કરે છે ખરાબ અસર, ગંભીર રોગોને આપે છે જન્મ