ચીનની ઇકોનોમી પર સંકટના વાદળ, પ્રોડક્શનના ભાવ સતત 9મા મહિને ડાઉન ટ્રેન્ડમાં, જાણો તેનો અર્થ શું થાય?

ચીનના વાર્ષિક પ્રોડ્યુસર પ્રાઇઝસેસમાં જૂનમાં સતત 9મા મહિને ઘટાડો થયો હતો. આ એક સંકેત છે કે ચીનની અર્થવ્યવસ્થા ધીમી પડી રહી છે. આવી સ્થિતિમાં અર્થતંત્રને પુનર્જીવિત કરવા માટે રાહત પેકેજની જરૂર છે. નિષ્ણાતોનું કહેવું છે કે ચીનની સરકારે ગયા વર્ષે 'ઝીરો કોવિડ' નીતિ અપનાવી હતી. આમાં, કોરોના રોગચાળાના સંક્રમણના કિસ્સામાં લોકડાઉન હતું. જેના કારણે સમગ્ર આર્થિક ગતિવિધિઓ ઠપ થઈ જતી હતી. તેની અર્થવ્યવસ્થા પર ખૂબ જ ખરાબ અસર પડી. હવે આ અસર સામે આવી રહી છે.

ડિફ્લેશનમાં જવાના જોખમમાં અર્થતંત્ર

ગ્રો ઇન્વેસ્ટમેન્ટ ગ્રૂપના મુખ્ય અર્થશાસ્ત્રી હોંગ હાઓએ સોમવારે સીએનબીસીને જણાવ્યું હતું કે, "હું માનું છું કે આજનો (સોમવાર) ડેટા વાસ્તવમાં અપેક્ષા કરતાં ઓછો છે. ખાસ કરીને કસ્ટમર ફુગાવામાં, ચીનનું અર્થતંત્ર આ ક્ષણે વાસ્તવમાં ડિફ્લેશનરી ઝોનમાં છે." હું માનું છું કે સરકાર હજુ પણ અર્થતંત્ર માટે સમર્થનના વિકલ્પો પર વિચાર કરી રહી છે.

સરકાર ટૂંક સમયમાં પેકેજની જાહેરાત કરી શકે

નિષ્ણાતોનું માનવું છે કે સરકાર આ મહિનાના અંતમાં થનારી પોલિટબ્યુરોની બેઠકમાં અર્થતંત્રને ટેકો આપવા માટેના પગલાંની જાહેરાત કરી શકે છે. સામાન્ય રીતે કમ્યુનિસ્ટ પાર્ટીના ટોચના નેતાઓ દ્વારા વર્ષનાં પ્રથમ છ મહિનામાં અર્થતંત્રની કામગીરી અંગે ચર્ચા કરવા પોલિટબ્યુરોની બેઠકો યોજવામાં આવે છે. ચીનમાં મની સપ્લાયનો ડેટા મંગળવારે એટલે કે 11 જુલાઈએ આવશે. આ અર્થતંત્રની સ્થિતિ વિશે પણ સંકેત આપશે. ગુરુવારે ટ્રેડ ડેટા પણ આવશે. ચીન વિશ્વની બીજી સૌથી મોટી અર્થવ્યવસ્થા છે. તે એશિયાની સૌથી મોટી અર્થવ્યવસ્થા છે.

આ પણ વાંચો - ઈમરાન ખાને પાકિસ્તાનમાં સમયસર ચૂંટણી માટે IMF પાસેથી માંગી 'ગેરંટી'