ચીનની વધતી અવળચંડાઈ, ફરીથી તાઇવાન સામે લશ્કરી કવાયત ધરી હાથ, કર્યો તોપ ગોળાનો વરસાદ

ચીને ફરી એકવાર તાઈવાનને અડીને આવેલા દક્ષિણ ફુજિયન પ્રાંતના દરિયાકાંઠે સૈન્ય અભ્યાસ હાથ ધર્યો છે. ચીને આ સૈન્ય અભ્યાસમાં દારૂગોળાનો ઉપયોગ કર્યો છે. ચીને તેને તાઈવાનના રાષ્ટ્રપતિ દ્વારા તેના (ચીનના) સાર્વભૌમત્વના દાવાને નકારવા બદલ શિક્ષાત્મક કવાયત ગણાવી છે. ચીને એક અઠવાડિયા પહેલા જ તાઈવાન સામે મોટા પાયે હવાઈ અને દરિયાઈ કવાયત હાથ ધરી હતી.

મેરીટાઇમ સિક્યોરિટી એડમિનિસ્ટ્રેશન દ્વારા જારી કરવામાં આવેલી નોટિસ અનુસાર, ચીન દ્વારા આ સૈન્ય અભ્યાસ ફુજિયન પ્રાંતના પિંગટન ટાપુ પાસે સવારે 9 થી બપોરે 1 વાગ્યા સુધી કરવામાં આવ્યો હતો. નોટિસમાં જહાજોને આ વિસ્તારની નજીક ન આવવાની ચેતવણી આપવામાં આવી હતી. જો કે, તેણે વધારાની વિગતવાર માહિતી આપી નથી.

તાઇવાન નજર રાખી રહ્યું છે ચીન

તાઈવાનના સંરક્ષણ મંત્રાલયે કહ્યું કે ચીન દ્વારા કરવામાં આવેલ આ સૈન્ય અભ્યાસ વાર્ષિક કવાયતનો ભાગ છે અને તે તેના પર નજર રાખી રહ્યું છે. મંત્રાલયે કહ્યું કે એ વાતને નકારી શકાય નહીં કે ચીનની આ કાર્યવાહીથી તાઈવાન સ્ટ્રેટમાં તણાવ વધી રહ્યો છે અને આ ક્ષેત્રમાં મુક્ત હિલચાલના સંદર્ભમાં તેની ધમકીભરી કાર્યવાહીનો વિસ્તાર કરવાનો એક માર્ગ છે.