Coronavirus Updates: કોરોના સંક્રમણની વધી ઝડપ, એક દિવસમાં નોંધાયા નવા 5676 કેસ

Coronavirus Updates: ભારતમાં ફરી એકવાર કોરોનાનું સંક્રમણ ઝડપથી ફેલાઈ ગયું છે. તેની ઝડપ અટકવાનું નામ નથી લઈ રહી. એક દિવસમાં 5676 નવા કોરોના સંક્રમિત દર્દીઓ સામે આવ્યા છે. તે જ સમયે, છેલ્લા 24 કલાકમાં 21 કોરોના સંક્રમિત દર્દીઓના મોત થયા છે. જ્યારે ગઈકાલે એટલે કે સોમવારે દેશમાં 5880 નવા કોરોના સંક્રમિત દર્દીઓ નોંધાયા હતા. ગઈકાલની સરખામણીમાં આજે થોડો ઘટાડો છે. દેશમાં એક્ટિવ કેસની સંખ્યા વધીને 37,093 થઈ ગઈ છે. કોરોના સંક્રમણને કારણે અત્યાર સુધીમાં 44,200,079 સંક્રમિત દર્દીઓ સ્વ1સ્થ થયા છે અને તેમના ઘરે ગયા છે. દેશમાં રિકવરી રેટ વધીને 98.74 ટકા થઈ ગયો છે.

દેશમાં કોરોના વાયરસના કારણે અત્યાર સુધીમાં 53,10,000 સંક્રમિત દર્દીઓના મોત થયા છે. મૃત્યુ દર 1.19 ટકા છે. સ્વાસ્થ્ય મંત્રાલય તરફથી મળેલી માહિતી મુજબ અત્યાર સુધીમાં 2,20,66,23,885 ડોઝ આપવામાં આવ્યા છે.

દિલ્હીમાં કોરોના સંક્રમિત કેસ

દેશની રાજધાની દિલ્હીમાં કોરોનાના કેસોમાં સતત વધારો થઈ રહ્યો છે. સોમવારે છેલ્લા 24 કલાકમાં દિલ્હીમાં કોરોનાના 484 નવા કેસ નોંધાયા છે. આ દરમિયાન 3 દર્દીઓના મોત પણ થયા છે. દિલ્હીમાં કોરોનાનો ચેપ દર 26.58 ટકા નોંધાયો છે. સોમવારે છેલ્લા 24 કલાકમાં દિલ્હીમાં 1821 કોરોના ટેસ્ટ કરવામાં આવ્યા છે. બીજી તરફ ઉત્તર પ્રદેશમાં સોમવારે કોરોના સંક્રમણના 176 નવા કેસ નોંધાયા છે. લખનૌમાં સૌથી વધુ 61 સંક્રમિત દર્દીઓ મળી આવ્યા છે. યુપીમાં હવે કોરોનાના 1282 સક્રિય કેસ છે. જ્યારે 31 માર્ચે 352 સક્રિય કેસ હતા.