Digital Payments: ડિજિટલ પેમેન્ટ્સમાં ભારત જીત્યું, વર્ષ 2022માં 8.95 કરોડ ટ્રાજેક્શન - MyGovIndia

Digital Payments: ડિજિટલ પેમેન્ટની બાબતમાં ભારતે આખી દુનિયાને માત આપી છે. કોઈપણ દેશના વિકાસમાં ટેક્નોલોજી મહત્વનો ભાગ ભજવે છે. આ ટેક્નોલોજીનો ઉપયોગ કરીને ભારત ઝડપથી આગળ વધી રહ્યું છે. ડિજિટલાઈઝેશન ભારતને અનેક બાબતોમાં ઘણા મોટા દેશો કરતાં આગળ લઈ ગયું છે. MyGovIndiaના ડેટા અનુસાર, વર્ષ 2022માં ભારતમાં 8.95 કરોડ ડિજિટલ ટ્રાજેક્શન થયા છે. હવે ભારત ડિજિટલ પેમેન્ટના મામલામાં ટોચ પર છે. MyGovIndia દ્વારા એવું કહેવામાં આવ્યું હતું કે ભારતે સમગ્ર વિશ્વમાં ડિજિટલ પેમેન્ટ્સમાં તેની સર્વોપરિતા જાળવી રાખી છે.

સરકારી આંકડાઓ અનુસાર, વર્ષ 2022 માં, વિશ્વની કુલ ડિજિટલ ચૂકવણીઓમાંથી, વાસ્તવિક ચૂકવણીના 46 ટકા માત્ર ભારતમાંથી આવી રહી છે. આ આંકડો વિશ્વના 4 મોટા દેશોના સંયુક્ત આંકડા કરતા વધુ છે.

ભારત કેશલેસ ઈકોનોમી તરફ આગળ વધી રહ્યું છે

આંકડા જાહેર કર્યા પછી, MyGovIndia એ કહ્યું કે અમે ઝડપથી કેશલેસ અર્થતંત્ર તરફ આગળ વધી રહ્યા છીએ. ભારતે ડિજિટલ પેમેન્ટમાં ઘણા મજબૂત દેશોને પાછળ છોડી દીધા છે. આંકડા અનુસાર, ભારતે બ્રાઝિલ, ચીન, થાઈલેન્ડ, દક્ષિણ કોરિયાને પાછળ છોડી દીધું છે. બ્રાઝિલ બીજા સ્થાને છે. અહીં વર્ષ 2022માં 2.92 કરોડ ટ્રાન્ઝેક્શન થયા હતા. આ પછી ચીનનો નંબર આવે છે. અહીં 1,76 કરોડના ટ્રાજેક્શન થયા હતા. થાઈલેન્ડ ચોથા સ્થાન પર છે. જ્યાં 1.65 કરોડના ટ્રાજેક્શન થયા હતા. આ પછી દક્ષિણ કોરિયા પાંચમા નંબરે છે. જ્યાં 80 લાખના ટ્રાજેક્શન થયા હતા. ભારતમાં ડિજિટલ પેમેન્ટને સફળ બનાવવાનો સૌથી મોટો શ્રેય UPIને જાય છે. તેને વર્ષ 2016માં લોન્ચ કરવામાં આવી હતી.