Tariff Warning: જાપાન જેવી ભૂલ ન કરો... અમેરિકા સાથેની ડીલમાં મોટા વાયદા ખતરનાક: રઘુરામ રાજનની ચેતવણી

India US Trade Deal: રિઝર્વ બેન્કના પૂર્વ ગવર્નર અને જાણીતા અર્થશાસ્ત્રી રઘુરામ રાજનએ અમેરિકા સાથે ચાલી રહેલી વેપાર વાટાઘાટોમાં ભારતને મહત્વની સલાહ આપી છે. તેમણે કહ્યું કે ભારતે 10થી 20 ટકાની વચ્ચે ટેરિફ રાખવું જોઈએ. વધુ પડતા વાયદા કરવાથી અર્થતંત્ર પર ભાર પડી શકે છે.

રાજનએ આપેલા એક ઈન્ટરવ્યુમાં જણાવ્યું કે, ઝીરો ટેરિફ તો શ્રેષ્ઠ હોત, પણ ભારતે પોતાના હરીફ દેશોની સરખામણીમાં પાછળ ન રહેવું જોઈએ. પૂર્વ અને દક્ષિણ એશિયાના ઘણા દેશોએ 19 ટકા આસપાસ ટેરિફ પર સમજૂતી કરી છે. જ્યારે જાપાન અને યુરોપે 15 ટકા, અને સિંગાપુરે 10 ટકા પર સોદો કર્યો છે.

10થી 20 વચ્ચે કંઈ પણ ઠીક છે. મહત્વનું એ છે કે એવા વાયદા ન કરીએ જે પૂરા કરવા મુશ્કેલ હોયઃ રઘુરામ રાજન

તેમણે જાપાન અને યુરોપના ઉદાહરણ આપતાં કહ્યું કે, તેઓએ મોટા રોકાણના વાયદા કર્યા છે, જેનાથી અમેરિકાને ફાયદો થશે. પણ પોતાની અર્થવ્યવસ્થાને નુકસાન કર્યા વિના આ વાયદા પૂરા કેવી રીતે કરશે?