દેશમાં 2031-32 સુધીમાં વીજળીની માંગ 400 GWને કરશે પાર, જાણો વર્તમાન માંગ શું છે?

દેશમાં પીક ટાઇમ વીજળીની માંગ સતત વધી રહી છે. પાવર સેક્રેટરી પંકજ અગ્રવાલે જણાવ્યું હતું કે ભારતની પીક પાવર ડિમાન્ડ 2031-32 સુધીમાં 384 ગીગાવોટના અંદાજિત આંકડા અને 400 ગીગાવોટ (GW)ના નવા સ્તરને પણ સરળતાથી પાર કરી શકે છે. તેમણે CII-સ્માર્ટ મીટરિંગ કોન્ફરન્સમાં કહ્યું કે મે મહિનામાં વીજળીની મહત્તમ માંગ 250 GW ના સ્તરે પહોંચી ગઈ છે.

900 ગીગાવોટની સ્થાપિત ક્ષમતા હોવી જોઈએ

મળતી માહિતી પ્રમાણે અગ્રવાલે કહ્યું કે છેલ્લા બે વર્ષમાં જે રીતે કેટલાક રાજ્યોમાં વીજળીની માંગ વધી છે, આ માંગ 2031-32 સુધીમાં 384 GW સુધી પહોંચી જશે અને સરળતાથી 400 GWને પાર કરી શકશે. આ માટે આપણી પાસે 900 ગીગાવોટની સ્થાપિત (વીજ ઉત્પાદન) ક્ષમતા હોવી જોઈએ. સરકારે આ વર્ષે મહત્તમ વીજ માંગ 260 GW રહેવાનો અંદાજ મૂક્યો છે. સચિવે જણાવ્યું હતું કે સપ્ટેમ્બર સુધીમાં જ માંગ 260 ગીગાવોટના અંદાજિત સ્તરે પહોંચી શકે છે.

થોડા દિવસોથી માંગમાં ટેમ્પરરી થશે ઘટાડો

જો કે છેલ્લા કેટલાક દિવસોથી ચોમાસાની શરૂઆત થતાની સાથે જ વીજળીની મહત્તમ માંગમાં ઘટાડો જોવા મળી રહ્યો છે. સત્તાવાર માહિતી અનુસાર, સોમવારે વીજળીની મહત્તમ માંગ 209 GW હતી.

આ પણ વાંચો - 270 KM પ્રતિ કલાકની ઝડપે ફૂંકાયો પવન, કેરેબિયન ટાપુઓ પર તબાહી મચાવ્યા બાદ હવે હરિકેન 'બેરીલ' જમૈકા તરફ વધી રહ્યું છે આગળ