જમ્મુ-કાશ્મીરમાં દરેક પરિવારને મળશે યુનિક ફેમિલી આઈડી, જાણો આ કાર્ડ શા માટે બનાવાઇ રહ્યું છે આ કાર્ડ

જમ્મુ-કાશ્મીર સરકારે કેન્દ્રશાસિત પ્રદેશના દરેક પરિવાર માટે યુનિક ફેમિલી આઈડી શરૂ કરવાની મહત્વાકાંક્ષી યોજનાની જાહેરાત કરી છે. આ યોજનાનો મુખ્ય ઉદ્દેશ સરકારી સેવાઓની ડિલિવરીને સરળ બનાવવી, લાભાર્થીઓ સુધી યોજનાઓની પહોંચ વધારવી અને સરકારી વિભાગો માટે વિશ્વસનીય ડેટાબેસ તૈયાર કરવાનો છે. આ યોજનાને ઝડપથી અમલમાં મૂકવા માટે સરકારે એક મજબૂત વ્યૂહરચના તૈયાર કરી છે.

ફેમિલી આઈડી શા માટે બનાવવામાં આવી રહ્યું છે?

શ્રીનગરના સિવિલ સચિવાલયમાં મુખ્ય સચિવ અટલ દુલ્લુની અધ્યક્ષતામાં એક ઉચ્ચ સ્તરીય બેઠક યોજાઈ હતી, જેમાં આ યોજનાનો પાયો નાખવામાં આવ્યો. બેઠકમાં નાણાં, માહિતી ટેક્નોલોજી, આયોજન, વિકાસ અને નિરીક્ષણ વિભાગોના પ્રમુખ સચિવો સહિત અનેક વરિષ્ઠ અધિકારીઓ હાજર રહ્યા. દુલ્લુએ જણાવ્યું કે, ફેમિલી આઈડી દ્વારા સરકારી યોજનાઓની માહિતી લોકો સુધી યોગ્ય રીતે પહોંચશે અને દરેક પાત્ર નાગરિકને તેમનો હક મળી રહેશે. આ પગલું વહીવટને વધુ જવાબદાર અને પારદર્શી બનાવવાની દિશામાં એક મહત્વપૂર્ણ પહેલ છે.

યોજનાનો ઉદ્દેશ અને લાભ

ફેમિલી આઈડીનો પ્રાથમિક ધ્યેય જમ્મુ-કાશ્મીરના દરેક પરિવારનો એક પ્રમાણિત અને ચકાસાયેલ ડેટાબેસ તૈયાર કરવાનો છે. આ ડેટાબેસ રાષ્ટ્રીય ખાદ્ય સુરક્ષા ઍક્ટ હેઠળની પબ્લિક ડિસ્ટ્રિબ્યૂશન સિસ્ટમ (PDS) અને આયુષ્માન ભારત પ્રધાનમંત્રી જન આરોગ્ય યોજના જેવા હાલના ડેટાસેટનો ઉપયોગ કરીને બનાવવામાં આવશે. આ આઈડી કાર્ડ દ્વારા સરકાર સબસિડીવાળું રાશન, મફત ચિકિત્સા, વૃદ્ધાવસ્થા/વિધવા પેન્શન, ઉગ્રવાદથી પીડિતો માટે સહાય અને શિષ્યવૃત્તિ જેવી કલ્યાણકારી યોજનાઓને સીધા લાભાર્થીઓ સુધી પહોંચાડવામાં સક્ષમ બનશે.

આયોજન, વિકાસ અને નિરીક્ષણ વિભાગના સચિવ તલત પરવેઝે જણાવ્યું કે, આ સિસ્ટમ ડાયરેક્ટ બેનિફિટ ટ્રાન્સફરને મિનિમમ માનવીય હસ્તક્ષેપ સાથે સરળ બનાવશે. તેમણે જમ્મુ-કાશ્મીરમાં આવી ઇન્ટિગ્રેટ સિસ્ટમની તાત્કાલિક જરૂરિયાત પર ભાર મૂક્યો અને કહ્યું કે, આ યોજના નાગરિકોને સરકારી યોજનાઓની પહોંચમાં આવતી મુશ્કેલીઓને ઘટાડશે.

ટેક્નોલોજીની મદદથી પૂર્ણ થશે પ્રોજેક્ટ