ફેક કોલ્સમાં થશે ઘટાડો! TRAIએ 2.75 લાખ ફોન નંબર કર્યા ડિસ્કનેક્ટ-ઘણી કંપનીઓની સર્વિસ પણ બંધ

જો તમારી પાસે મોબાઇલ ફોન છે, તો તમને દરરોજ ઘણા અનવોન્ટેડ કૉલ્સ પ્રાપ્ત થતા હશે. આ સમસ્યાથી સામાન્ય લોકો જ નહીં દેશના મોટા નેતાઓ અને અધિકારીઓ પણ પરેશાન છે. પરંતુ ટૂંક સમયમાં જ લોકોને આ મોટી સમસ્યામાંથી રાહત મળવા લાગશે. હા, TRAI એટલે કે ભારતીય ટેલિકોમ રેગ્યુલેટરી ઓથોરિટીએ અનવોન્ટેડ ફોન કોલ્સ અને અનરજિસ્ટર્ડ ટેલિ-માર્કેટિંગ કંપનીઓ સામે મોટી કાર્યવાહી કરી છે અને 2.75 લાખ ટેલિફોન નંબરોને ડિસ્કનેક્ટ કર્યા છે. એટલું જ નહીં ટ્રાઈએ 50 કંપનીઓની સર્વિસ પણ બંધ કરી દીધી છે.

ટ્રાઈએ ટેલિકોમ કંપનીઓને કડક સૂચના આપી

ટેલિકોમ રેગ્યુલેટરી ટ્રાઈ દ્વારા તાજેતરમાં અપનાવવામાં આવેલા કડક વલણના ભાગરૂપે આ કાર્યવાહી કરવામાં આવી છે. તમને જણાવી દઈએ કે ટ્રાઈએ ટેલિકોમ કંપનીઓને અનરજિસ્ટર્ડ ટેલી માર્કેટિંગ કંપનીઓને બ્લેકલિસ્ટ કરવા અને તેમની સાથે જોડાયેલા નંબરને બ્લોક કરવા માટે કહ્યું હતું.

2024ના પ્રથમ છ મહિનામાં 7.9 લાખથી વધુ ફરિયાદો નોંધાઈ