FICCIએ કહ્યું- ભારતનો GDP 7 ટકાના દરે વધશે, મોંઘવારી પર આપ્યો ખાસ અંદાજ

FICCIના ઇકોનોમિક આઉટલુક સર્વેના તાજેતરના રાઉન્ડમાં, વર્ષ 2024-25 માટે ભારતનો સરેરાશ GDP 7.0 ટકાના ગ્રોથ રેટે વધવાનો અંદાજ છે. સર્વે અનુસાર, 2024-25ના પ્રથમ ક્વાર્ટરમાં આર્થિક વિકાસ દર 6.8 ટકાના દરે વધશે અને બીજા ક્વાર્ટરમાં જીડીપી 7.2 ટકા રહેવાની ધારણા છે.

FICCIનું 2024-25ના પ્રથમ-બીજા ક્વાર્ટરમાં ફુગાવાના દરનું આંકલન

અનાજ, કઠોળ, ફળો અને દૂધના ભાવમાં વધારાને કારણે ખાદ્યપદાર્થોના ભાવ સ્થિર રહ્યા છે અને તાજેતરના ફુગાવાના આંકડામાં વધારો જોવા મળ્યો છે. સર્વેના સહભાગીઓ બીજા ત્રિમાસિક ગાળામાં કિંમતો સાધારણ રહેવાની અપેક્ષા રાખે છે કારણ કે ખરીફ પાકો અને તેમની પેદાશો બજાર સુધી પહોંચે છે. આમાં મિનિમમ લિમિટ 4.4 ટકા અને મેક્સિમમ લિમિટ 5.0 ટકા છે.

RBIની ક્રેડિટ પોલિસી માટે FICCIની આગાહી

સર્વે રિપોર્ટ અનુસાર આરબીઆઈ પોલિસી રેપો રેટમાં ઘટાડો કરવા માટે થોડો સમય રાહ જોવી પડશે. ચાલુ ફાયનાન્શિયલ વર્ષના બીજા ભાગમાં રેપો રેટમાં ઘટાડો થવાની ધારણા છે કારણ કે આરબીઆઈ ફુગાવાના દરના ટાર્ગેટ પર નજીકથી નજર રાખીને તેનો સાવચેતીભર્યો અભિગમ ચાલુ રાખી શકે છે. FICCI અનુસાર, ફાયનાન્શિયલ વર્ષ 2024-25 (માર્ચ 2025) ના અંત સુધીમાં રેપો રેટ 6.0 ટકા રહેવાની ધારણા છે.

FICCIના ઇકોનોમિક આઉટલુક સર્વેમાં કોનો સમાવેશ?

FICCIનો ઇકોનોમિક આઉટલુક સર્વે જુલાઈ 2024 માં હાથ ધરવામાં આવ્યો હતો. જેમાં બિઝનેસ, બેન્કિંગ અને ફાયનાન્શિયલ સર્વિસ ક્ષેત્રના અગ્રણી અર્થશાસ્ત્રીઓના અભિપ્રાયો લેવામાં આવ્યા હતા. અર્થશાસ્ત્રીઓને વર્ષ 2024-25 માટે તેમની આગાહીઓ અને એપ્રિલ-જૂન ક્વાર્ટરની સાથે બીજા ક્વાર્ટર એટલે કે જુલાઈ-સપ્ટેમ્બર માટે મેક્રો-ઈકોનોમિક ડેટા શેર કરવા કહેવામાં આવ્યું હતું.