Statue of Liberty: ‘અમને અમારી સ્ટેચ્યુ ઓફ લિબર્ટી પાછી આપો’, ટ્રમ્પ પ્રશાસનના નિર્ણયો સામે ફ્રાન્સમાં ઉઠી માંગ

Statue of Liberty: અમેરિકાના રાષ્ટ્રપતિ ડોનાલ્ડ ટ્રમ્પે પોતાના નિર્ણયોથી ગ્લોબલ પોલિટિક્સમાં ઉથલપાથલ મચાવી દીધી છે. અમેરિકાની આ બદલાયેલી પોલીસીને કારણે યુરોપના ઘણા દેશો સમસ્યાઓનો સામનો કરી રહ્યા છે. આવી સ્થિતિમાં, ફ્રાન્સે પણ હવે અમેરિકી વહીવટીતંત્રને ધમકી આપી છે, જેના કારણે લોકોને વિચારવા મજબૂર કરી દીધા છે કે શું આ ખરેખર શક્ય છે?

ફ્રાન્સમાં સમાજવાદી અને ડેમોક્રેટિક ગ્રુપના નેતા રાફેલ ગ્લુક્સમેને ડોનાલ્ડ ટ્રમ્પ દ્વારા ટેરિફ લાદવાની ધમકી આપવાની ટીકા કરી છે અને કહ્યું છે કે હું એવા અમેરિકનોને કહેવા માંગુ છું જે વૈજ્ઞાનિકોને કાઢી મૂકી રહ્યા છે અને જુલમીઓને ટેકો આપી રહ્યા છે, તેમણે હવે 1886માં ફ્રાન્સ દ્વારા ભેટમાં આપવામાં આવેલ 'સ્ટેચ્યુ ઓફ લિબર્ટી' પરત કરવી જોઈએ.

પોલિટિકોના મતે, ગ્લુક્સમેને કહ્યું, "ફ્રાન્સે તમને ભેટ તરીકે આપ્યું હતું પણ તમે તેની કિંમત કરતા નથી... તમે સ્પષ્ટપણે તેનો તિરસ્કાર કરો છો. તેથી તમારે તે પાછું આપવું જોઈએ. ફ્રાન્સમાં તે સારું રહેશે." ગ્લુકમેને ટ્રમ્પ પર કટાક્ષ કરતા કહ્યું કે ટ્રમ્પ વહીવટીતંત્ર સતત સારા લોકોને કાઢી રહ્યું છે. જો અમેરિકનો આ રીતે તેમની નોકરીઓ ચાલુ રાખશે, તો તે ફ્રાન્સ માટે ફાયદાકારક રહેશે. આ લોકોએ અહીં યુરોપ આવવું જોઈએ અને યુરોપિયન અર્થતંત્રને વિકસાવવામાં મદદ કરવી જોઈએ.

ગ્લુકમેને કહ્યું કે બીજું, હું અમેરિકનોને કહેવા માંગુ છું કે જો તમે તમારા બધા લોકોને કાઢી મૂકવા માંગતા હો, જેમણે તેમની સ્વતંત્રતાની ભાવના અને તેમની મહેનતથી અમેરિકાને વિશ્વનો અગ્રણી દેશ બનાવ્યો છે, અમે તેમનું યુરોપમાં સ્વાગત કરીએ છીએ.

સ્ટેચ્યુ ઓફ લિબર્ટીનો ઇતિહાસ

28 ઓક્ટોબર, 1886ના રોજ ન્યૂયોર્ક હાર્બરમાં સ્ટેચ્યુ ઓફ લિબર્ટીનું અનાવરણ કરવામાં આવ્યું હતું. તે ફ્રાન્સ દ્વારા અમેરિકન સ્વતંત્રતાની ઘોષણાના શતાબ્દીની ઉજવણી માટે ભેટમાં આપવામાં આવ્યું હતું. તે ફ્રેન્ચમેન ઓગસ્ટે બર્થોલ્ડી દ્વારા ડિઝાઇન કરવામાં આવ્યું હતું. આ પ્રતિમાની એક નાની નકલ ફ્રાન્સની રાજધાની પેરિસમાં સીન નદીના એક નાના ટાપુ પર સ્થાપિત છે.

આ પણ વાંચો - NASAની ઓફિસમાં કોક્રોચોનો આતંક, ટોયલેટ પેપર પણ નહીં, ડોનાલ્ડ ટ્રમ્પના નિર્ણયથી કર્મચારીઓમાં રોષ