GST સુધારણાથી ભારતીય અર્થતંત્રમાં 2 લાખ કરોડનો ઉમેરો, લોકોના હાથમાં આવશે વધુ નાણાં: નાણામંત્રી

GST Reforms and Indian Economy: કેન્દ્રીય નાણામંત્રી નિર્મલા સીતારમણે જાહેરાત કરી કે નવી જનરેશનના GST સુધારણા દ્વારા ભારતીય અર્થતંત્રમાં 2 લાખ કરોડનો ઉમેરો થશે. આ સુધારણાથી લોકોના હાથમાં વધુ નાણાં બચશે, કારણ કે આ રકમ હવે ટેક્સ તરીકે સરકાર પાસે નહીં જાય. "નેક્સ્ટ-જનરેશન GST" હેઠળ ચાર ટેક્સ સ્લેબ (5%, 12%, 18%, 28%)ને ઘટાડીને માત્ર બે સ્લેબ (5% અને 18%) કરવામાં આવ્યા છે, જે 22 સપ્ટેમ્બરથી લાગુ થશે.

ટેક્સ સ્લેબમાં મોટો ફેરફાર

નાણામંત્રીએ જણાવ્યું કે 12% GST ધરાવતી 99% પ્રોડક્ટ્સ હવે 5% સ્લેબમાં આવી ગઈ છે, જ્યારે 28% ટેક્સ ધરાવતી 90% આઇટમ્સ હવે 18%ના દરે ઉપલબ્ધ થશે. આ ફેરફારથી ગ્રાહકોને સીધો ફાયદો થશે. FMCG સેક્ટરની ઘણી મોટી કંપનીઓએ સ્વૈચ્છિક રીતે કિંમતોમાં ઘટાડો કરીને આ લાભ ગ્રાહકો સુધી પહોંચાડવાનું વચન આપ્યું છે.

સુધારણાનો હેતુ

નવી GST સિસ્ટમ પાંચ મુખ્ય ઉદ્દેશોને ધ્યાનમાં રાખીને ઘડવામાં આવી છે:

ગરીબ અને મધ્યમ વર્ગ માટે ટેક્સ દરમાં રાહત.

મધ્યમ વર્ગની આકાંક્ષાઓને પૂર્ણ કરવી.