Gyanvapi Survey: જ્ઞાનવાપી મસ્જિદમાં ASI સર્વે ચાલુ રહેશે, અલ્હાબાદ HCમાં મુસ્લિમ પક્ષની અરજી ફગાવાઈ

Gyanvapi Survey: અલ્હાબાદ હાઈકોર્ટે ભારતીય પુરાતત્વ સર્વેક્ષણ (ASI)ને વારાણસીમાં જ્ઞાનવાપી મસ્જિદ સંકુલનું સર્વેક્ષણ કરવાની મંજૂરી આપી છે. હાઈકોર્ટે સર્વે પર પ્રતિબંધ મૂકવાની મુસ્લિમ પક્ષની અરજીને ફગાવી દીધી છે. આ આદેશ બાદ હવે ગમે ત્યારે સર્વે શરૂ થઈ શકે છે. મુસ્લિમ પક્ષની અરજી ફગાવી હાઇકોર્ટે જ્ઞાનવાપીના ASI સર્વેને આદેશ કર્યો છે. હિન્દુ અને મુસ્લિમ બંને પક્ષો આ નિર્ણયની રાહ જોઈ રહ્યા હતા. અલ્હાબાદ હાઈકોર્ટે માત્ર ASI સર્વે પર સ્ટે મુક્યો હતો. કોર્ટે કહ્યું કે એએસઆઈ બિલ્ડિંગને નુકસાન પહોંચાડ્યા વિના તેનું સર્વે કરી શકે છે.

વારાણસીના જિલ્લા ન્યાયાધીશ ડૉ. અજય કુમાર વિશ્વેશે જ્ઞાનવાપી સર્વેનો આદેશ આપ્યો હતો. હવે હાઈકોર્ટે ડિસ્ટ્રીક્ટ કોર્ટના નિર્ણયને યથાવત રાખવા સર્વે માટે આદેશ જાહેર કર્યો છે. એટલે કે જ્ઞાનવાપી મસ્જિદ સંકુલના ASI પરનો પ્રતિબંધ પણ હટાવી દેવામાં આવ્યો છે. જિલ્લા કોર્ટના નિર્ણય બાદ ASIની ટીમે 24મી જુલાઈના રોજ સર્વેની કામગીરી શરૂ કરી હતી.

સર્વેનું કામ શરૂ થતાં જ મસ્જિદ કમિટી એટલે કે મુસ્લિમ પક્ષ સુપ્રીમ કોર્ટમાં પહોંચી ગયો હતો. આ પછી, સુપ્રીમ કોર્ટે તરત જ ASI સર્વે પર રોક લગાવી દીધી અને 26 જુલાઈએ સાંજે 5 વાગ્યા સુધીમાં ચુકાદો સંભળાવવાનો આદેશ આપ્યો. હાઈકોર્ટે સુનાવણી બાદ 27 જુલાઈના રોજ નિર્ણય સુરક્ષિત રાખ્યો હતો. બંને પક્ષોને સાંભળ્યા બાદ હાઈકોર્ટે આજે એટલે કે 3જી ઓગસ્ટે ચુકાદો સંભળાવવાનો આદેશ આપ્યો હતો. હવે હાઈકોર્ટનો મોટો નિર્ણય આવ્યો છે.

અલ્હાબાદ હાઈકોર્ટે જ્ઞાનવાપી મસ્જિદ સંકુલના સર્વેક્ષણની મંજૂરી આપવા પર, હિન્દુ પક્ષના વકીલ વિષ્ણુ શંકર જૈને કહ્યું, "અલાહાબાદ હાઈકોર્ટે ભારતીય પુરાતત્વ સર્વેક્ષણ (એએસઆઈ) ને સર્વે કરવા કહ્યું છે. અલ્હાબાદ હાઈકોર્ટે જિલ્લા અદાલતના નિર્ણયને યથાવત રાખ્યો છે. તેને તાત્કાલિક અસરથી અસરકારક બનાવવા માટે.