Indian Space Mission: ભારત 2025 સુધીમાં માનવીને અંતરિક્ષમાં મોકલશે, 2035 સુધીમાં સ્પેસ સ્ટેશન બનાવશે

Indian Space Mission:ભારતને ચંદ્રયાન પ્રોજેક્ટમાં મોટી સફળતા મેળવ્યા પછી હવે માનવીને અંતરિક્ષમાં મોકલવાનો, ભારતનું પોતાનું સ્પેસ સ્ટેશન બનાવવાનો અને માનવીને ચંદ્ર પર ઉતારવાનો લક્ષ્ય નક્કી કર્યો છે. વડાપ્રધાન નરેન્દ્ર મોદીએ ગગનયાનની સિદ્ધિની સમીક્ષા કરવા માટે આજે બેઠક યોજી હતી જેમાં કેટલાક લક્ષ્ય નક્કી કરવામાં આવ્યા હતા. ભારત હવે પોતાના સ્પેસ પ્રોગ્રામમાં આક્રમક રીતે કામ કરવા માગે છે. આ અઠવાડિયે 21 ઓગસ્ટે ક્રૂ એસ્કેપ સિસ્ટમની પ્રથમ ડેમોન્સ્ટ્રેશન ફ્લાઈટનું ટેસ્ટિંગ કરવામાં આવશે.

વડાપ્રધાન નરેન્દ્ર મોદીએ નક્કી કરેલા ટાર્ગેટ પ્રમાણે આગામી બે વર્ષમાં એટલે કે 2025 સુધીમાં ભારત માનવીને અંતરિક્ષમાં મોકલશે. ત્યાર પછી 2035 સુધીમાં ભારતનું પોતાનું સ્પેસ સ્ટેશન હશે. અને 2040 સુધીમાં ભારત માનવીને ચંદ્રની સપાટ પર ઉતારવા માગે છે.

આજે વડાપ્રધાન સાથેની મિટિંગમાં ડિપાર્ટમેન્ટ ઓફ સાયન્સે ગગનયાન વિશે એક વિસ્તૃત ઓવરવ્યૂ આપ્યો હતો જેમાં હ્યુમન રેટેડ લોન્ચ વ્હીકલ અને સિસ્ટમ ક્વોલિફિકેશન જેવી ટેક્નોલોજી પર ભાર મૂકવામાં આવ્યો હતો.

ભારત હવે 20 મહત્ત્વના ટેસ્ટ કરવાનું છે જેમાં 21 ઓક્ટોબરથી ટેસ્ટની શરૂઆત થશે. અત્યાર સુધીમાં માત્ર અમેરિકા જ માનવીને ચંદ્ર પર ઉતારવામાં સફળ થયું છે. પશ્ચિમ દેશોએ પોતાનું સ્પેસ સ્ટેશન બનાવ્યું હતું જે ઈન્ટરનેશનલ સ્પેસ સ્ટેશન તરીકે ઓળખાય છે અને હજુ ઓપરેશનલ છે. આ ઉપરાંત રશિયાએ પણ પોતાનું સ્પેસ સ્ટેશન મિર બનાવ્યું હતું.