Electric Three-Wheeler: ભારતની સૌથી વધુ રેન્જની ઈલેક્ટ્રિક ઓટો રિક્ષા લોન્ચ, જાણો કિંમત અને સ્પેશિફિકેશન

Electric Three-Wheeler: ઇલેક્ટ્રિક વ્હીકલ (EV) અગ્રણી Omega Seiki પ્રાઇવેટ લિમિટેડ અને ક્લીન એનર્જી ઇનોવેટર ક્લીન ઇલેક્ટ્રીકે ઇલેક્ટ્રિક ઓટો રિક્ષા Omega Seiki એનઆરજી લોન્ચ કરી. કંપનીએ તેને 3.55 લાખ રૂપિયા (એક્સ-શોરૂમ) ની કિંમતે બજારમાં લોન્ચ કરી છે. સૌથી મહત્વની વાત એ છે કે એકવાર સંપૂર્ણ ચાર્જ થયા પછી, તે 300 કિલોમીટર સુધીની મુસાફરી કરી શકે છે. કંપનીનો દાવો છે કે આ ભારતની સૌથી લાંબી રેન્જવાળી ઇલેક્ટ્રિક ઓટો રિક્ષા છે. તેમાં પેટન્ટ કરાયેલ કોમ્પેક્ટ 15 kWh બેટરી પેક છે. કસ્ટમર્સને તેની ખરીદી પર 5 વર્ષની બેટરી વોરંટી આપવામાં આવી રહી છે.

ભારે ગરમી અને કઠોર વાતાવરણમાં પણ શ્રેષ્ઠ

Omega Seiki NRG ક્લીન ઇલેક્ટ્રિક દ્વારા ડેવલપ 15 kWh LFP બેટરી પેક FLO 150 દ્વારા ઓપરેટેડ છે. આ બેટરી ક્લીન ઇલેક્ટ્રિકની નવીન ડાયરેક્ટ કોન્ટેક્ટ લિક્વિડ કૂલિંગ (DCLC) સિસ્ટમ પર આધારિત છે જે વધુ સારા થર્મલ મેનેજમેન્ટ અને સંપૂર્ણ સલામતી માટે છે. આ ભારતમાં અનુભવાતી ભારે ગરમી અને કઠોર પરિસ્થિતિઓમાં પણ વિશ્વસનીય કામગીરી સુનિશ્ચિત કરશે. ક્લીન ઇલેક્ટ્રિકનું પેટન્ટ કરાયેલ સેલ-ટુ-પેક આર્કિટેક્ચર 3-વ્હીલર એપ્લિકેશનો માટે મહત્તમ ઉર્જા પેકિંગને સક્ષમ બનાવે છે, જે 300+ કિમીના સૌથી લાંબા રેન્જ સોલ્યુશનને સક્ષમ બનાવે છે.

આ છે મુખ્ય વિશેષતાઓ

-બજેટ પ્રાઇઝ તેને કસ્ટમર્સની વિશાળ શ્રેણી માટે સુલભ બનાવે છે.

-એક જ ચાર્જ પર 300 કિમીની રેન્જ, જે તેના વર્ગમાં સૌથી લાંબી રેન્જ છે.

-કાર્યક્ષમ અને વિશ્વસનીય કામગીરી માટે 15 kWh લાંબા અંતરના બેટરી પેકથી સજ્જ.