Indian Railway: રેલવેમાં બમ્પર નોકરી? સરકારે સંસદમાં જણાવ્યું કે 2.63 લાખ પદ છે ખાલી

Indian Railway: ભારતીય રેલ્વેમાં વિવિધ સેગમેન્ટમાં લગભગ 2.63 લાખ પોસ્ટ ખાલી છે. આ વાત ખુદ રેલવે મંત્રીએ કહી છે. રેલવે પ્રધાન અશ્વિની વૈષ્ણવે લોકસભામાં પૂછવામાં આવેલા એક પ્રશ્નના લેખિત જવાબમાં જણાવ્યું હતું કે રેલવેમાં લગભગ 2,63,913 પોસ્ટ ખાલી છે. આ પોસ્ટ સમયાંતરે ભરવામાં આવે છે. રેલ્વેની આ જગ્યાઓ પર ભરતીનું કામ સતત ચાલે છે. લોકસભામાં રેલ્વે મંત્રીને પૂછવામાં આવ્યું કે શું તેઓ રેલ્વેમાં કર્મચારીઓની અછત વિશે જાણે છે અને જો તેઓ જાણતા હોય તો તે જણાવે.

રેલવેમાં 2.50 લાખથી વધુ જગ્યાઓ ખાલી

રેલ્વે મંત્રી અશ્વિની વૈષ્ણવે લોકસભામાં જણાવ્યું કે 1 જુલાઈ, 2023 સુધી રેલ્વેમાં 2,680 ગેઝેટેડ પોસ્ટ અને નોન-ગેઝેટેડ પોસ્ટ પર 2,61,233 જગ્યાઓ ખાલી હતી. તેમણે કહ્યું કે તાજેતરમાં લગભગ 1,39,050 જગ્યાઓ માટે લગભગ 2.37 કરોડ ઉમેદવારોની કોમ્પ્યુટર આધારિત કસોટી દ્વારા ભરતી કરવામાં આવી છે. એટલું જ નહીં, 1 એપ્રિલ, 2023ના રોજ ગ્રુપ Cમાં 1,36,773 ઉમેદવારોની ભરતી કરવામાં આવી હતી. તેમાંથી 1,11,728 પોસ્ટ સુરક્ષાની હતી.

રેલવેમાં ખાલી જગ્યાઓની ભરતી ચાલુ