Kash Patel: ડોનાલ્ડ ટ્રમ્પના વફાદાર, હાર્ડલાઇનર, કંસ્પિરેસી થ્યોરિસ્ટ કાશ પટેલ બનશે FBIના આગામી ડિરેક્ટર

Kash Patel: ઘણા અઠવાડિયાની અટકળો પછી, US પ્રમુખ તરીકે ચૂંટાયેલા ડોનાલ્ડ ટ્રમ્પે આખરે કન્ફોર્મ કર્યું છે કે ફેડરલ બ્યુરો ઑફ ઇન્વેસ્ટિગેશન (FBI)ના ડિરેક્ટર ક્રિસ્ટોફર એ.રે ની જગ્યાએ ‘ડીપ સ્ટેટ'ના કટ્ટર ટીકાકાર કાશ પટેલની નિમણૂંક કરવા માંગે છે.

એટલે કે, ડોનાલ્ડ ટ્રમ્પે 20 જાન્યુઆરીએ અમેરિકાના રાષ્ટ્રપતિ તરીકેનો ચાર્જ સંભાળ્યા બાદ ભારતીય મૂળના કાશ પટેલ FBIના આગામી ડિરેક્ટર હશે, જોકે વર્તમાન ડિરેક્ટર રેનો કાર્યકાળ 2027 સુધી ચાલશે.

ડોનાલ્ડ ટ્રમ્પે અમેરિકન સમય અનુસાર શનિવારે કાશ પટેલના નામની જાહેરાત કરી છે. FBI પર સંપૂર્ણ નિયંત્રણ ઈચ્છતા ડોનાલ્ડ ટ્રમ્પ માટે કાશ પટેલ કરતાં વધુ વફાદાર અને ભડકાઉ ઉમેદવાર શોધવો મુશ્કેલ હતો.

કાશ પટેલ પાસે ભૂતકાળમાં ડોનાલ્ડ ટ્રમ્પ સાથે કામ કરવાનો લાંબો અનુભવ છે અને ડોનાલ્ડ ટ્રમ્પના અગાઉના કાર્યકાળ દરમિયાન તેઓ દેશના સંરક્ષણ સચિવના સલાહકાર હતા, પરંતુ કાશ પટેલની નિમણૂકના માર્ગમાં સૌથી મોટો અવરોધ આ જ હોઈ શકે છે કાયદા અમલીકરણ એજન્સીઓ સામે તદ્દન વિવાદાસ્પદ રહ્યા છે.

કાશ પટેલના માર્ગમાં અડચણ

કેશ પટેલે અગાઉ FBIના વોશિંગ્ટન હેડક્વાર્ટરને બંધ કરવા, તેના નેતૃત્વને બરતરફ કરવા અને "દેશની કાયદા અમલીકરણ એજન્સીઓને નિયંત્રણમાં લાવવા માટે હાકલ કરી છે," ધ ન્યૂ યોર્ક ટાઈમ્સે અહેવાલ આપ્યો છે. તેમણે FBIના ગુપ્ત માહિતી એકત્ર કરવાના કાર્યોને નાબૂદ કરવા અને ટ્રમ્પને સમર્થન ન આપનારા કોઈપણ કર્મચારીઓને બરતરફ કરવાનું પણ સૂચન કર્યું.

ટ્રમ્પે શનિવારે રાત્રે તેમની સોશિયલ મીડિયા વેબસાઇટ ટ્રુથ સોશિયલ પર લખ્યું, "મને એ જાહેરાત કરતાં ગર્વ છે કે કશ્યપ 'કાશ' પટેલ ફેડરલ બ્યુરો ઑફ ઇન્વેસ્ટિગેશન (FBI)ના આગામી ડિરેક્ટર તરીકે સેવા આપશે."