Microsoft આ વર્ષે કર્મચારીઓનો નહીં વધારે પગાર, બોનસમાં પણ થશે ઘટાડો

Microsoft: વિશ્વની સૌથી મોટી ટેક કંપનીઓમાંની એક માઇક્રોસોફ્ટે તેના કર્મચારીઓને વધુ એક મોટો ઝટકો આપ્યો છે. ટેક જાયન્ટ માઇક્રોસોફ્ટે જાહેરાત કરી છે કે તે આ વર્ષે તેના કર્મચારીઓના પગારમાં વધારો નહીં કરે. સાથે જ કંપનીમાં કામ કરતા કર્મચારીઓના બોનસમાં પણ કાપ મુકવામાં આવશે. કંપનીએ સ્ટોક અને એવોર્ડ માટેના બજેટમાં પણ ઘટાડો કર્યો છે. આ માહિતી Microsoftના સીઈઓ સત્ય નડેલાના ઈમેલથી મળી છે. પરંતુ કંપનીએ બોનસ, સ્ટોક એવોર્ડ અને પ્રમોશન ચાલુ રાખવાનો નિર્ણય કર્યો છે. જો કે હાલમાં માઇક્રોસોફ્ટ દ્વારા આ અંગે કોઇ નિવેદન જારી કરવામાં આવ્યું નથી. તે જ સમયે, આ વર્ષે જાન્યુઆરી મહિનામાં, માઇક્રોસોફ્ટમાં મોટી છટણી કરવામાં આવી હતી. આ સિવાય Microsoft આર્ટિફિશિયલ ઈન્ટેલિજન્સ (AI) પર પણ પોતાનું ફોકસ વધારી રહ્યું છે.

સત્ય નાડેલાએ શું કહ્યું?

Microsoftના સીઈઓ સત્ય નડેલાએ જણાવ્યું હતું કે ગયા વર્ષે અમે બજારની સ્થિતિ અને કંપનીની કામગીરીના આધારે કર્મચારીઓને આપવામાં આવતા વળતરને બમણું કર્યું હતું. જે અમારા વૈશ્વિક મેરિટ બજેટથી લગભગ બમણું હતું. જો કે આ વર્ષે પરિસ્થિતિ સાવ જુદી છે. તે જ સમયે, આ વર્ષની શરૂઆતમાં જ, જાન્યુઆરી મહિનામાં, માઇક્રોસોફ્ટમાં પણ મોટા પાયે છટણી જોવા મળી હતી.

Microsoftમાં મોટી છટણી થઈ