પાકિસ્તાની સેનાનો 'જિહાદી ચહેરો' પડ્યો ખુલ્લો, સરાજાહેર જિહાદને પ્રોત્સાહન આપતું આપ્યું નિવેદન

પાકિસ્તાની સેનાએ ખુલ્લેઆમ ઇસ્લામિક જિહાદને પ્રોત્સાહન આપતું નિવેદન કર્યું છે, જેનાથી પાકિસ્તાનની સેના એક નિયમિત સૈન્ય દળ છે કે પછી ગણવેશની આડમાં 'જિહાદ ફી સબીલિલ્લાહ' (અલ્લાહના માર્ગે સંઘર્ષ) કરતું જિહાદી સંગઠન છે તેવા સવાલો ઉભા થયા છે. પાકિસ્તાનના ઇન્ટર-સર્વિસ પબ્લિક રિલેશન્સ (DG-ISPR)ના ડિરેક્ટર જનરલ લેફ્ટનન્ટ જનરલ અહમદ શરીફે રવિવારે એક પ્રેસ કોન્ફરન્સમાં જાહેર કર્યું કે ઇસ્લામ માત્ર દરેક સૈનિકની વ્યક્તિગત આસ્થાનો ભાગ નથી, પરંતુ તે સેનાની તાલીમ અને કામગીરીનો પણ આધારસ્તંભ છે.

"ઇસ્લામ અમારા વિચારો અને કાર્યોની પ્રેરણા"

જનરલ શરીફને પાકિસ્તાની સેનાના 'બુનયાન-એ-મર્સૂસ' ઓપરેશન અને ભારતીય નાગરિકો પરના હુમલાઓ અંગે સવાલો પૂછવામાં આવ્યા હતા. જ્યારે તેમને પૂછવામાં આવ્યું કે શું આ ઓપરેશનો અલ્લાહના બતાવેલા માર્ગ પર થઈ રહ્યા છે, તો તેમણે સ્પષ્ટ જણાવ્યું, "ઇસ્લામ અમારા વિચારો અને કાર્યોની પ્રેરણા છે. તે માત્ર અમારી વ્યક્તિગત આસ્થા નથી, પરંતુ અમારી તાલીમ અને ઓપરેશનનો આધાર પણ છે. આ જ અમારી શક્તિ છે અને આ જ અમને માર્ગદર્શન આપે છે."

તેમણે પાકિસ્તાની સેનાના નારા 'ઈમાન, તકવા, જિહાદ ફી સબીલિલ્લાહ' (આસ્થા, પવિત્રતા, અલ્લાહના માર્ગે સંઘર્ષ)નો ઉલ્લેખ કરતાં કહ્યું કે, "અમારા સેનાપ્રમુખ પણ આ આસ્થામાં ઊંડો વિશ્વાસ રાખે છે, અને આ આસ્થા અમારા ઓપરેશનોમાં પ્રતિબિંબિત થાય છે."

‘બુનયાન-એ-મર્સૂસ' અને કુરાનનો ઉલ્લેખ

‘બુનયાન-એ-મર્સૂસ' નામના સૈન્ય ઓપરેશનની ચર્ચા કરતાં જનરલ શરીફે કુરાનની એક આયતનો ઉલ્લેખ કર્યો, જેમાં જણાવાયું છે કે, "જેઓ અલ્લાહ માટે લડે છે, તેઓ એક સ્ટીલની દિવાલની જેમ હોય છે." આ નિવેદનથી પાકિસ્તાની સેના અને જિહાદી તત્વો તેમજ લશ્કર-એ-તૈયબા અને જૈશ-એ-મોહમ્મદ જેવા આતંકવાદી સંગઠનો વચ્ચેની રેખા વધુ અસ્પષ્ટ થઈ ગઈ છે. આ સંગઠનો દાયકાઓથી કાશ્મીર અને ભારતના અન્ય ભાગોમાં આતંક ફેલાવી રહ્યા છે.

જનરલ શરીફની વિવાદાસ્પદ પૃષ્ઠભૂમિ