Indus Shield Exercise 2023: પાકિસ્તાની વાયુસેનાની મોટી યુદ્ધ કવાયત, UAE સહિત જોડાશે આ 14 દેશો, ભારતની ચાંપતી નજર

‘ઇન્ડસ શિલ્ડ 2023'માં 14 દેશોના વાયુસેનાના યુનિટ્સ ભાગ લઈ રહ્યા છે. આ યુદ્ધ કવાયત દ્વારા પાકિસ્તાની વાયુ સેના તેની ક્ષમતા પ્રદર્શિત કરવાનો અને આંતરરાષ્ટ્રીય સહયોગ વધારવાનો હેતુ ધરાવે છે. આ કવાયત પાકિસ્તાનની સૌથી મોટી હવાઈ લડાઇ કવાયતોમાંથી એક છે અને વાયુ સેનાની પ્રતિબદ્ધતાને સાકાર કરવા માટે એક મહત્વપૂર્ણ સીમાચિહ્નરૂપ માનવામાં આવે છે.

ચીનની સાથે જર્મની જેવા દેશો પણ સામેલ

આ કવાયતમાં અઝરબૈજાન, બહેરીન, ચીન, ઈજીપ્ત, જર્મની, હંગેરી, ઈન્ડોનેશિયા, ઈરાન, ઈટાલી, કુવૈત, મોરોક્કો, ઓમાન, પાકિસ્તાન, કતાર, સાઉદી અરેબિયા, તુર્કી, સંયુક્ત આરબ અમીરાત અને ઉઝબેકિસ્તાન ભાગ લઈ રહ્યા છે. ગત મહિને જ પાકિસ્તાની વાયુ સેનાએ ચીન સાથે એક મોટી કવાયત હાથ ધરી હતી. ચીન અને પાકિસ્તાને ઉત્તર-પશ્ચિમ ચીનમાં શાહીન-એક્સ સંયુક્ત હવાઈ કવાયત સફળતાપૂર્વક પૂર્ણ કરી હતી.

વાયુસેનાની સૈન્ય શક્તિનો ઉલ્લેખ

પાકિસ્તાન વાયુસેનાએ જણાવ્યું હતું કે "ચીનમાં સંયુક્ત હવાઈ અભ્યાસમાં સફળ ભાગ લીધા બાદ પાકિસ્તાન એરફોર્સના J-10C અને JF-17 ફાઈટર એરક્રાફ્ટ પાકિસ્તાનના ઓપરેશનલ એરબેઝ પર પાછા ફર્યા હતા". આવું પહેલી વખત નથી બન્યુ કે, વાયુસેનાના વિમાનને લઈને પાકિસ્તાને પોતાની વાત મૂકી હોય. આ પહેલા પણ એમના વિમાન આંતરરાષ્ટ્રીય સ્તરે વિવાદમાં રહ્યા છે હવે આવા અભ્યાસ થકી છબી ઉજળી રાખવા માટે વાત કરે છે.

આ પણ વાંચો - RAPIDX: 160ની સ્પીડ, બુલેટ ટ્રેનનો લુક અને હાઈટેક ફિચર્સ, PM મોદી આ દિવસે કરશે રેપિડ રેલનું ઉદ્ઘાટન