પેટ્રોલ-ડીઝલ થઈ શકે છે સસ્તું, કેન્દ્રીય મંત્રી હરદીપ સિંહ પુરીએ ભાવમાં ઘટાડાની વ્યક્ત કરી શક્યતા

સામાન્ય જનતા માટે એક મોટા સમાચાર છે. ટૂંક સમયમાં લોકોને સસ્તુ પેટ્રોલ અને ડીઝલ મળી શકે છે. હકીકતમાં, કેન્દ્રીય મંત્રી હરદીપ સિંહ પુરીએ શનિવારે પેટ્રોલ અને ડીઝલની કિંમતોમાં ઘટાડો થવાની સંભાવના વ્યક્ત કરી છે. કેન્દ્રીય મંત્રીએ બીજેપી હેડક્વાર્ટરમાં પ્રેસ કોન્ફરન્સ દરમિયાન આ નિવેદન આપ્યું છે. પ્રેસ કોન્ફરન્સ દરમિયાન કેન્દ્રીય મંત્રીએ કહ્યું કે વડાપ્રધાન નરેન્દ્ર મોદીની આગેવાની હેઠળની સરકારે એપ્રિલ 2022થી તેલની કિંમતોમાં કોઈ વધારો ન થાય તે સુનિશ્ચિત કરવા માટે કામ કર્યું છે.

હરદીપ સિંહ પુરીએ શું કહ્યું?

જો કે, આ દરમિયાન કેન્દ્રીય મંત્રી હરદીપ સિંહ પુરીએ કહ્યું કે હાલ તેઓ પેટ્રોલ અને ડીઝલ ક્યારે સસ્તા થશે તેની જાહેરાત કરવાની સ્થિતિમાં નથી. આપણે તેના માટે રાહ જોવી પડશે. કેન્દ્રીય મંત્રીએ કહ્યું કે સરકારી ઓઇલ માર્કેટિંગ કંપનીઓએ છેલ્લા ક્વાર્ટરમાં સારું કામ કર્યું છે. આ સિવાય કેન્દ્રીય મંત્રીએ કહ્યું કે ઓઈલ કંપનીઓ આ મુદ્દા પર ધ્યાન આપવાની સ્થિતિમાં છે. આંતરરાષ્ટ્રીય બજારમાં ક્રૂડ ઓઈલના ભાવ સ્થિર છે અને આગામી ક્વાર્ટરમાં આ કંપનીઓની સ્થિતિ શું રહેશે તે જોવાનું રહેશે.

ઓઈલ કંપનીઓ તેમના નુકસાનની ભરપાઈ કરી રહી છે