Sabarmati Ashram redevelopment: મહાત્મા ગાંધીના સાબરમતી આશ્રમની થશે કાયાકલ્પ, જૂઓ કેવા થશે ફેરફારો?

સાબરમતી આશ્રમનું કામ પૂર્ણ થયા બાદ સમગ્ર સંકુલ 322 એકરમાં ફેલાયેલ હશે. એક અધિકારીએ જણાવ્યું હતું કે હાલના સાબરમતી આશ્રમની મુલાકાત લેવા માટે એક કલાકની જરૂર છે, જ્યારે પ્રોજેક્ટ પૂર્ણ થયા પછી સમગ્ર વિસ્તૃત સંકુલની મુલાકાત લેવા માટે ઓછામાં ઓછા 6-7 કલાકનો સમય લાગશે.

માસ્ટર પ્લાન મુજબ જે ઈમારતોનું સંરક્ષણ કરવામાં આવશે તેમાં મહાત્મા ગાંધી અને કસ્તુરબાના નિવાસસ્થાન હૃદય કુંજનો સમાવેશ થાય છે. ગાંધી મેમોરિયલ મ્યુઝિયમ, સ્વર્ગસ્થ ચાર્લ્સ કોરિયા દ્વારા ડિઝાઇન કરવામાં આવ્યું હતું, જે 1963 માં ખોલવામાં આવ્યું હતું. નંદિની નિવાસ, જે ગેસ્ટ હાઉસ તરીકે સેવા આપતું હતું. આ ઉપરાંત માનવ સાધના, વિનોબા-મીરા કુટીર, જય જગત એમ્ફી થિયેટર અને જુનુ રસોડુ (જૂનું રસોડું) સામેલ છે.

મહાત્મા ગાંધીના જીવન અને કાર્યમાં સાબરમતી આશ્રમ સૌથી મહત્વપૂર્ણ માનવામાં આવે છે. આ એક એવી જગ્યા છે જે ગાંધીજીએ પોતે ડિઝાઇન કરી હતી અને સ્થાનિક સામગ્રીનો ઉપયોગ કરીને બનાવવામાં આવી હતી. તેમણે તેમનો મોટાભાગનો સમય અહીં વિતાવ્યો હતો અને તે ભારતના સ્વાતંત્ર્ય સંગ્રામ સાથે સંબંધિત આઠ મુખ્ય ચળવળોનું પારણું હતું.