સામંથા રૂથ પ્રભુની હોસ્પિટલની તસવીર જોઈને ફેન્સને લાગ્યો આંચકો, જાણો શા માટે એક્ટ્રેસે પહેર્યું ઓક્સિજન માસ્ક

સાઉથની જાણીતી અભિનેત્રી સામંથા રૂથ પ્રભુના ફેન્સની સંખ્યા કરોડોમાં છે. તે આજે એટલે કે 28 એપ્રિલે પોતાનો 36મો જન્મદિવસ ઉજવી રહી છે. આ દરમિયાન, સામંથાની એક લેટેસ્ટ તસવીરો સોશિયલ મીડિયા પર વાયરલ થઈ રહી છે, જેમાં તે તેના ચહેરા પર ઓક્સિજન માસ્ક પહેરેલી જોવા મળી રહી છે. એક્ટ્રેસની આ તસવીર જોઈને તેના ફેન્સની ચિંતા ઘણી વધી ગઈ છે. પરંતુ ચિંતા કરવાની જરૂર નથી. વાસ્તવમાં, તેમની આ તસવીર ઓટોઇમ્યુન માટે ‘હાયપરબેરિક થેરાપી' દરમિયાન કરવામાં આવી છે.

સામંથાએ તેના ઈન્સ્ટાગ્રામ એકાઉન્ટ પર કુલ 10 તસવીરો પોસ્ટ કરી છે. પ્રથમ તસવીરમાં તે 16 વર્ષની દેખાઈ રહી છે. બીજી તસવીરમાં તેના બે ડોગ દેખાય છે. જ્યારે ત્રીજા ફોટામાં તે હોસ્પિટલમાં ઓક્સિજન માસ્ક પહેરેલી જોવા મળે છે. આ તસ્વીર જોઈને ફેન્સ ચોંકી ગયા કે અચાનક તેમની સાથે શું થયું. તમને જણાવી દઈએ કે ડરવાની કોઈ વાત નથી. હકીકતમાં તેણે કેટલીક યાદગાર તસવીરો પોસ્ટ કરી છે. તેમની આ તસવીર ઓટોઇમ્યુન માટે 'હાયપરબેરિક થેરાપી' દરમિયાન કરવામાં આવી છે.

અભિનેત્રીએ ગયા વર્ષે ઓક્ટોબર 2022માં કહ્યું હતું કે તેને માયોસિટિસ નામની બીમારી હોવાનું નિદાન થયું છે. માયોસિટિસ એ ઓટોઇમ્યુન સ્થિતિ હોવાનું માનવામાં આવે છે જેમાં શરીરના સ્નાયુઓને વધુ પડતી અસર થાય છે. તેના સામાન્ય લક્ષણો સ્નાયુઓમાં દુખાવો, થાક, ખાવા-પીવામાં તકલીફ અને શ્વાસ લેવામાં તકલીફ છે.

હોસ્પિટલની તસવીર પોસ્ટ કરતા સામંથાએ લખ્યું, ‘થોડા મહિના પહેલા મને માયોસાઇટિસ નામની ઓટોઇમ્યુન બિમારી હોવાનું નિદાન થયું હતું. હું આનાથી છુટકારો મેળવ્યા પછી આ વિશેની માહિતી પોસ્ટ કરવાની આશા રાખતી હતી. પરંતુ તે મારી અપેક્ષા કરતાં થોડો વધુ સમય લઈ રહ્યો છે.