સ્ટારલિંક ભારતમાં બે મહિનામાં શરૂ કરશે સેટેલાઇટ ઇન્ટરનેટ સર્વિસ, જાણો ડિવાઇસ અને પ્લાનની કિંમત

એલોન મસ્કની કંપની સ્પેસએક્સની સ્ટારલિંક ભારતમાં આગામી બે મહિનામાં પોતાની સેટેલાઇટ-આધારિત ઇન્ટરનેટ સર્વિસ શરૂ કરવા જઈ રહી છે. આ સર્વિસ ખાસ કરીને ગ્રામીણ અને દૂરના વિસ્તારોમાં હાઇ-સ્પીડ ઇન્ટરનેટ પૂરું પાડશે, જ્યાં પરંપરાગત બ્રોડબેન્ડ સર્વિસ ઓ ઉપલબ્ધ નથી. કંપનીએ ડિવાઇસની કિંમત 33,000 નક્કી કરી છે, જ્યારે અનલિમિટેડ ડેટા પ્લાન માટે માસિક 3,000નો ખર્ચ થશે.

સ્ટારલિંક શું છે?

સ્ટારલિંક એ સ્પેસએક્સની એક એડવાન્સ્ડ સેટેલાઇટ-આધારિત ઇન્ટરનેટ સર્વિસ છે, જે લો-અર્થ ઓર્બિટ (LEO)માં હજારો નાના સેટેલાઇટ્સના નેટવર્ક દ્વારા કામ કરે છે. આ સર્વિસ દ્વારા યુઝર્સ ને હાઇ-સ્પીડ, લો-લેટન્સી ઇન્ટરનેટ કનેક્શન મળશે. આ ખાસ કરીને એવા વિસ્તારો માટે ઉપયોગી છે જ્યાં ફાઇબર કે મોબાઇલ નેટવર્કની પહોંચ મર્યાદિત છે.

ડિવાઇસ અને પ્લાનની વિગતો

સ્ટારલિંકની સર્વિસ મેળવવા માટે યુઝર્સ એ 33,000ની કિંમતનું ડિવાઇસ ખરીદવું પડશે, જેમાં એક સેટેલાઇટ ડિશ, રાઉટર અને જરૂરી ઇન્સ્ટોલેશન સાધનોનો સમાવેશ થાય છે. આ ઉપરાંત, અનલિમિટેડ ડેટા પ્લાન માટે માસિક 3,000નો ખર્ચ થશે. આ પ્લાન હાઇ-સ્પીડ ઇન્ટરનેટ ઍક્સેસ આપશે, જે ખાસ કરીને ઑનલાઇન ગેમિંગ, વિડિયો સ્ટ્રીમિંગ અને રિમોટ વર્ક માટે યોગ્ય છે.

ભારત માટે શું છે ખાસ?

ભારતમાં ગ્રામીણ અને દૂરના વિસ્તારોમાં ઇન્ટરનેટ કનેક્ટિવિટી એક મોટી સમસ્યા છે. સ્ટારલિંકની સર્વિસ આ સમસ્યાને હલ કરી શકે છે, કારણ કે તેનું નેટવર્ક સેટેલાઇટ-આધારિત હોવાથી ભૌગોલિક મર્યાદાઓનો અવરોધ નહીં રહે. આ સર્વિસ ખેડૂતો, નાના વેપારીઓ, વિદ્યાર્થીઓ અને ડિજિટલ બિઝનેસ માટે ગેમ-ચેન્જર સાબિત થઈ શકે છે.