India-EU trade deal: ભારત અને યુરોપ વચ્ચે થવા જઈ રહી છે 'મધર ઓફ ઓલ ડીલ્સ', જાણો કોને થશે ફાયદો?

India-EU trade deal: ભારત અને યુરોપિયન યુનિયન વચ્ચે વર્ષોથી ચાલી રહેલી ફ્રી ટ્રેડ એગ્રીમેન્ટ (FTA)ની ચર્ચા હવે તેના અંતિમ તબક્કામાં છે. 27 જાન્યુઆરીએ યોજાનારી ઈન્ડિયા-EU સમિટમાં આ ઐતિહાસિક ડીલની જાહેરાત થઈ શકે છે, જેને યુરોપિયન નેતાઓએ 'મધર ઓફ ઓલ ડીલ્સ' ગણાવી છે. અમેરિકાએ જ્યારે ભારત પર ટેરિફ વધાર્યા છે, ત્યારે યુરોપ સાથેની આ ડીલ ભારત માટે ગેમ ચેન્જર સાબિત થઈ શકે છે.

સસ્તી લક્ઝરી કાર - ગ્રાહકો માટે ખુશખબર

આ ડીલનો સૌથી મોટો ફાયદો ભારતીય ગ્રાહકોને મળી શકે છે. પ્રસ્તાવ મુજબ, ભારત યુરોપિયન કાર પરની ઈમ્પોર્ટ ડ્યૂટીમાં મોટો ઘટાડો કરશે. હાલમાં યુરોપથી આવતી કાર પર 70 થી 110 ટકા ટેક્સ લાગે છે, જે ઘટીને 40 ટકા અને ભવિષ્યમાં 10 ટકા સુધી થઈ શકે છે. એટલે કે મર્સિડીઝ, BMW અને ફોક્સવેગન જેવી લક્ઝરી કાર ભારતમાં સસ્તી થઈ શકે છે. જોકે, શરૂઆતના 5 વર્ષ સુધી ઈલેક્ટ્રિક વાહનોને આ ડીલથી બહાર રાખવામાં આવ્યા છે જેથી સ્થાનિક ઉદ્યોગોને નુકસાન ન થાય.

ભારતને શું ફાયદો થશે?

સામે પક્ષે ભારત પણ યુરોપના માર્કેટમાં પોતાના માટે મોટો હિસ્સો માંગી રહ્યું છે. ખાસ કરીને ટેક્સટાઈલ, ગારમેન્ટ, લેધર, જેમ્સ એન્ડ જ્વેલરી અને એન્જિનિયરિંગ ગુડ્સ માટે ભારત યુરોપમાં 'માર્કેટ એક્સેસ' ઈચ્છે છે. આ એવા સેક્ટર્સ છે જેમાં ભારતમાં સૌથી વધુ રોજગારી મળે છે. 2007થી અટકેલી આ વાતચીત હવે 2025માં ફાઈનલ થવા જઈ રહી છે.

જો 27મી તારીખે આ ડીલ પર મહોર વાગી જશે, તો ભારત અને યુરોપના વ્યાપારી સંબંધોમાં એક નવો અધ્યાય શરૂ થશે.

આ પણ વાંચો-Budget 2026: નોકરિયાત વર્ગ માટે મોટા સમાચાર! જૂના અને નવા ટેક્સ રિજીમમાં થશે આ ફેરફાર? જાણો સરકારનો 'માસ્ટર પ્લાન'