Weather updates: ‘લુ’ થી હજુ પાંચ દિવસ સુધી મળશે રાહત, આ રાજ્યોમાં ભારે વરસાદ અને કરા પડવાની આગાહી

Weather updates: ઈન્ડિયા મેટ્રોલોજીકલ ડિપાર્ટમેન્ટ (IMD) એ 28 એપ્રિલની સવારે તેના આગાહી બુલેટિનમાં જણાવ્યું હતું કે આગામી પાંચ દિવસ દરમિયાન ભારતના કોઈપણ ભાગમાં ગરમીના મોજાની સ્થિતિ પાછી આવવાની શક્યતા નથી. આ સમયગાળા દરમિયાન મેક્સિમમ તાપમાન સરેરાશથી નીચે રહેવાની શક્યતા છે. IMDએ રાજધાની દિલ્હી સહિત દેશના ઘણા રાજ્યોમાં ભારે વરસાદ અને કરા પડવાની આગાહી આપી છે.

હવામાન વિભાગના જણાવ્યા અનુસાર, વિદર્ભ અને ઓડિશામાં 28 એપ્રિલે, નાગાલેન્ડ, મણિપુર, મિઝોરમ અને ત્રિપુરામાં 29 એપ્રિલ, તમિલનાડુમાં 30 એપ્રિલથી 2 મે અને કેરળમાં આગામી પાંચ દિવસ ભારે વરસાદની આગાહી કરવામાં આવી છે. આ સિવાય 28 એપ્રિલથી 2 મે દરમિયાન મરાઠવાડા, ઉત્તરાખંડ, ઓડિશા, વિદર્ભ, છત્તીસગઢ, પંજાબ અને હરિયાણામાં છૂટાછવાયા સ્થળોએ કરા પડવાની આગાહી કરવામાં આવી છે.

IMD અનુસાર, રાષ્ટ્રીય રાજધાની દિલ્હીમાં ગુરુવારે (27 એપ્રિલ) મેક્સિમમ તાપમાન 38.4 ડિગ્રી સેલ્સિયસ નોંધાયું હતું, જે સિઝનની સરેરાશ કરતાં એક ડિગ્રી ઓછું છે. લઘુત્તમ તાપમાન 20.7 ડિગ્રી સેલ્સિયસ નોંધાયું હતું, જે સામાન્ય કરતાં ત્રણ ડિગ્રી ઓછું હતું. રાષ્ટ્રીય રાજધાનીના ભાગોમાં ગુરુવારે સાંજે ઝરમર વરસાદ જોવા મળ્યો હતો.

શુક્રવાર (28 એપ્રિલ) માટે હળવા વરસાદ સાથે સામાન્ય રીતે વાદળછાયું આકાશની આગાહી કરવામાં આવી છે. જ્યારે મેક્સિમમ અને લઘુત્તમ તાપમાન અનુક્રમે 38 ડિગ્રી સેલ્સિયસ અને 19 ડિગ્રી સેલ્સિયસની આસપાસ રહેવાની શક્યતા છે.