તમારી સેલરી પર કેટલી મળશે લોન? જાણો 25,000થી 2 લાખની સેલરીનું સંપૂર્ણ કેલ્ક્યુલેશન

બેન્કો સામાન્ય રીતે તમારી માસિક આવકના 20 ગણી લોન આપે છે. ઉદાહરણ તરીકે, જો તમારી માસિક સેલરી 1 લાખ રૂપિયા છે, તો તમને 20 લાખથી 30 લાખ સુધીની લોન મળી શકે છે.

માસિક આવક (Monthly Salary) મહત્તમ પર્સનલ લોનની રકમ (Loan Amount)

25,000                                               5 લાખ સુધી

50,000                                              10 લાખ સુધી

75,000                                              15 લાખ સુધી

1 લાખ                                                20 લાખ સુધી

1.25 લાખ                                          25 લાખ સુધી

1.5 લાખ                                            30 લાખ સુધી

1.75 લાખ                                          35 લાખ સુધી

2 લાખ                                               40 લાખ સુધી

બેન્કો લોનની મર્યાદા કેમ નક્કી કરે છે?

બેન્કો લોનની મર્યાદા નક્કી કરે છે જેથી લોન લેનાર વ્યક્તિ તેની આર્થિક ક્ષમતા કરતાં વધુ લોન ન લે. આનાથી લોનની ચુકવણીમાં મુશ્કેલી ન આવે અને બેંકનું જોખમ પણ ઓછું રહે. બેન્કો લોન આપતી વખતે નીચેના પરિબળો ધ્યાનમાં રાખે છે. માસિક આવક: તમારી આવક જેટલી વધુ, લોનની રકમ પણ એટલી જ વધુ. ઉદાહરણ તરીકે, 50,000ની સેલરી ધરાવતી વ્યક્તિને 10 લાખ સુધીનું લોન મળી શકે, જ્યારે 2 લાખની સેલરીવાળાને 40 લાખ સુધીનું લોન મળી શકે.

ક્રેડિટ સ્કોર: તમારો ક્રેડિટ સ્કોર 750થી વધુ હોય તો બેન્કો તમને વધુ લોન અને ઓછા વ્યાજ દરે લોન આપે છે. નબળો ક્રેડિટ સ્કોર લોનની રકમ ઘટાડી શકે છે. હાલની EMI: જો તમે પહેલેથી જ લોનની EMI ચૂકવી રહ્યા છો, તો તે તમારી લોનની પાત્રતા ઘટાડે છે. ઉદાહરણ તરીકે, જો તમારી લોન પાત્રતા 17 લાખ છે અને તમે 5 લાખનું લોન પહેલેથી લીધું છે, તો તમને માત્ર 12 લાખનું નવું લોન મળશે. બેંકની મર્યાદા (Loan Cap): દરેક બેંકે પર્સનલ લોન માટે મહત્તમ મર્યાદા નક્કી કરેલી હોય છે. કેટલીક બેન્કો 20 લાખ, જ્યારે અન્ય 40 લાખ સુધીનું લોન આપે છે.

આ પણ વાંચો-'યૂ આર ધી બેસ્ટ...': G7 સમિટમાં PM મોદીને બોલ્યા જ્યોર્જિયા મેલોની, સોશિયલ મીડિયા પર વીડિયો વાયરલ