ICICI બેન્કે બદલ્યો મિનિમમ બેલેન્સનો નિયમ, હવે નહીં લાગે વધુ પેનલ્ટી, જાણો કેટલું રાખવું પડશે મિનિમમ બેલેન્સ

ICICI Bank's new rule: પ્રાઇવેટ સેક્ટરની અગ્રણી ICICI બેન્કે તેના સેવિંગ્સ એકાઉન્ટ માટે મિનિમમ બેલેન્સના નિયમોમાં મોટો ફેરફાર કર્યો છે. બેન્કે ગ્રાહકોની ફરિયાદો અને સોશિયલ મીડિયા પર મળેલા ફીડબેકને ધ્યાનમાં લઈને આ નિર્ણય લીધો છે. બેન્કે મેટ્રો અને શહેરી વિસ્તારોમાં નવા ખાતા ખોલાવતા ગ્રાહકો માટે 50,000 લઘુત્તમ બેલેન્સની શરત નાબૂદ કરી છે. હવે આ ગ્રાહકો માટે લઘુત્તમ બેલેન્સ 15,000 નક્કી કરવામાં આવ્યું છે.

આ ફેરફારો ગત સપ્તાહે બેન્ક દ્વારા જાહેર કરાયેલા 50,000, 25,000 અને 10,000ના પ્રસ્તાવિત બેલેન્સમાંથી ઘટાડો કરીને લાગુ કરવામાં આવ્યા છે.

પેનલ્ટીની માહિતી

જો ગ્રાહક નિર્ધારિત મિનિમમ બેલેન્સ જાળવી ન શકે, તો શોર્ટફોલના 6% અથવા 500 રૂપિયા જે ઓછું હોય તે પેનલ્ટી લાગશે.

આ નિયમો કોને લાગુ નહીં?

ICICI બેન્કે સ્પષ્ટ કર્યું છે કે આ નવા નિયમો સેલરી એકાઉન્ટ, વરિષ્ઠ નાગરિક, પેન્શનધારક, બેસિક સેવિંગ્સ બેન્ક ડિપોઝિટ એકાઉન્ટ, જન ધન એકાઉન્ટ અને ખાસ જરૂરિયાતવાળા ખાતાઓ પર લાગુ નહીં થાય. આ ઉપરાંત, 60 વર્ષથી ઓછી ઉંમરના પેન્શનધારકો અને 1,200 ચયનિત સંસ્થાઓના વિદ્યાર્થીઓને પણ મિનિમમ બેલેન્સની શરતમાંથી મુક્તિ આપવામાં આવશે.